Ռուստամ Բադասյանը «դիմակազերծեց» Փաշինյանի պոպուլիզմը

ՊԵԿ նախագահ Ռուստամ Բադասյանը այսօր ուշագրավ հայտարարություն է արել` նշելով, որ վարձակալության պայմանագրերը համատարած ստվերի դաշտում են․ «ՊԵԿ-ը գրեթե չունի գործիքակազմ այստեղ։ Չենք կարող ստուգում անել եւ ֆիզիկական անձին լրացուցիչ հարկային պարտավորություններ առաջադրել։ Մենք հիմա տեղեկատվություն ենք հավաքագրում, թե որտեղ կան վարձակալված բնակարաններ՝ հիմնականում խոշոր ծավալների, եւ վարձատուներին ծանուցելու ենք, որ հաջորդ տարի իրենք պարտավոր են գրանցել վարձակալության պայմանագրերը եւ վարձակալության գումարների մասով վճարել եկամտային հարկ։ Կադաստրի եռամսյակային տեղեկությունների հիման վրա ենք հիմա ծանուցում, թեեւ հիմա ինքներս ենք տեղեկություններ հավաքագրում․ վարձակալության պայմանագրերը ենթակա են գրանցման, եւ դրանցից գոյանում են հարկեր»: Այս հայտարարությունը Բադասյանը արել է անդրադառնալով իրավիճակին, որ անշարժ գույքի վարձակալության շուկան այս պահին ՀՀ-ում մեծ գնաճ է արձանագրել, եւ շատ քաղաքացիներ վարձավճարի թանկացման հետեւանքով դրսում հայտնվելու վտանգի առաջ են, քանի որ վարձակալության պայմանագրեր կնքած չեն եղել։

Ի՞նչ է ստացվում՝ ՊԵԿ նախագահը բացահայտում է Նիկոլ Փաշինյանի ռեֆորմների իրական դեմքը և ողջ սնանկությունը: Վերջինս, հիշացնենք, պարբերաբար պարծենում է հատկապես ՊԵԿ-ում իրականացրած իր ռեֆորմներով և հայտարարում, որ գործիքակազմը այն աստիճան է ընդլայնվել, որ ստվերը գլխովին ջախջախված է: Պարզվում է՝ ոչ միայն գործիքակազմն է բացակայում, այլ մի բան էլ ունենք ոլորտ, որտեղ կարող ենք խոսել համատարած ստվերի մասին: