Կրեմլը կանտեսի ԵԽԽՎ խորհուրդները

Կրեմլում տեղին չեն համարում ԵԽԽՎ-ի՝ Ռուսաստանի իշխանության համակարգի ժողովրդավարականացման հետ կապված խորհուրդները և մտադիր չեն անսալ դրանց. գրում է Интерфакс-ը։

«Նման ձևակերպումները և կոչերը պատեհ չենք համարում, ուստի, անխոս, դրանց չենք անսա»,-հինգշաբթի օրը հայտարարել է ՌԴ նախագահի մամլո քարտուղար Դմիտրի Պեսկովը։

Այսպես է նա մեկնաբանել ԵԽԽՎ բանաձևը, որի մեջ ներառվում էր կոչ նախագահ Վլադիմիր Պուտինին՝ «չխորացնել պետության ավտորիտար վարչակարգը, այլ ժողովրդականացնել այն»։