Արմեն Մելիքբեկյանի հիմնադրած կայքը բացահայտ «թիրախավորում» է Փաշինյանին և ՔՊ-ին

Հեղափոխությունից հետո Նիկոլ Փաշինյանի կողմից նշանակված պաշտոնյաները աչքի են ընկնում վերադասի հանդեպ լոյալության բարձր մակարդակով: Համենայնդեպս, չենք կարող նշել որևէ պաշտոնյայի, ով, այսպես ասած, նախկին չէ, սակայն բացահայտ կամ տակից աշխատում է Փաշինյանի և ՔՊ-ի դեմ:

Այս ցանկում առանձնանում է, թերևս, ՀՖՖ նախագահ Արմեն Մելիքբեկյանի կողմից տարիներ առաջ հիմնադրած կայքը, որտեղ հրապարակվող նյութերը վերջին շրջանում բավական լուրջ հարցեր են առաջացնում:

Ահա մեկ օրինակ, այստեղ, մասնավորապես, քննադատվում է կառավարության մշակած ընդերքի մասին նոր օրենքը և պաշտպանվում է քաղհասարակության տեսակետը այս հարցի շուրջ:

Հաջորդ վերնագիրը որը գտնում ենք կայքում նույնպես ինքնին բավական խոսուն է:

Բավական ուշագրավ մեկնաբանություն է տրված Մարտի 1-ի գործով վարչապետի արդարացման վերաբերյալ լուրին; Հոդվածագիրը հատուկ ընդգծում է, որ 10 զոհերի, հարյուրավոր վիրավորների և ապօրինի բանտարվածների համար բարձրաստիճամ պաշտոնյաներից ոչ ոք մինչ օրս պատասխանատվության չի ենթարկվել։

Ինչ արժե միայն՝ «Զինվորների մահերը կոծկողները պաշտոնի են նաև Փաշինյանի օրոք» վերտառությամբ նյութը:

Զավեշտալի մեկնաբանություն է տրված նաև Վեդիում անցկացված ՏԻՄ ընտրություններին: Մասնավորապես՝ «Մի կողմից՝ «Իմ հզոր համայնքի» «տղերքը» ծեծում են ՔՊ-ականին, մյուս կողմից՝  «ՔՊ-ի թեկնածուներից մեկը ՀՀԿ-ի նախկին փող բաժանողն է՝ Ջանիկ Միրզախանյանը, ով գյուղում հայտնի է որպես վաշխառու»։ Միրզախանյանը, ասում են, գյուղացիներին տոկոսով (ավելի կոնկրետ՝ 10 տոկոսով) փող է տալիս, իսկ վերջին շրջանում՝ զբաղվում նախկինների դեմ պայքարով»։

Մի պարագայում, երբ Նիկոլ Փաշինյանը ամեն հնարավոր առիթ օգտագործում է քրեակատարողական հիմնարկներում կատարած բարեփոխումներով հպարտանալու համար, Մելիքբեկյանի հիմնադրած կայքը այս հարցում էլ ունի հակադիր կարծիք

Համաձայնեք, բավականին տարակուսելի իրավիճակ է, և առաջին հերթին հենց Փաշինյանի համար, ի վերջո հենց նա է Մելիքբեկյանին նշանակել ՀՖՖ նախագահի պաշտոնին: Այն, որ կայքի հիմնադիր է հանդիսանում Մելիքբեկյանը, բազմիցս է գրվել:

Սակայն, պնդել, որ նա այսօր էլ կապ ունի կայքի հետ՝ դժվար է: Ստացվում է` մի լրատվամիջոց, որը հիմնադրվել է գործող ՀՖՖ նախագահի կողմից, բացահայտ թիրախավորում է ՀՀ իշխանություններին, արդյո՞ք Մելիքբեկյանը որպես հիմնադիր ձեռքերը լվացել է այս լրատվամիջոցից և ինչպես ասում են՝ նրա կարծիքը կարող է չհամընկնել խմբագրության կարծիքի հետ, թե ամեն դեպքում որպես ՀԿ-ի և լրատվամիջոցի հիմնադիր` նա կիսում է Փաշինյանին և թիմակիցներին խփող սուր հոդվածներում արտահայտվող մտքերը...:

Այս թեմայով Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան Նիկոլ Փաշինյանն ու Աննա Հակոբյանը թիկնապահների ուղեկցությամբ մտան Մայր Տաճար. (տեսանյութ) Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան