ՔՊ-ականների «սրտաճմլիկ» հայտարարությունները Արցախի մասին՝ հեղափոխությունից հետո և այսօր

Հայաստանի ազգային ժողովում այսօր պրո-ադրբեջանական ելույթների և Արցախյան շարժման արժեքը կասկածի տակ դնող հայտարարությունների պակաս չէր զգացվում: ՔՊ-ական պատգամավորները մեկը մյուսի հետևից փորձում էին համոզել, որ Արցախի՝ Ադրբեջանի կազմում հայտնվելը պարզապես այլընտրանք չունի: Եվ սա ասում են այն պատգամավորները, ովքեր դեռ 2018-2019 թվականին անում էին տրամագծորեն հակառակ հայտարարությունները:

Դիցուք՝ Արցախի հարցը Կոսովոյի օրինակով լուծել առաջարկող, և Փաշինյանի՝ Ադրբեջանի կազմում Արցախը ներառելու գաղափարները կիսող Հայկ Կոնջորյանը դեռևս 2021 թվականի սեպտեմբերին հետևյալ մտքերն էր արտահայտում:

Արցախը կամ պետք է դառնա անկախ կամ պետք է վերանա նախադասության հեղինակ Հովիկ Աղազարյանը այսօր հայտարարում է, որ իրավունք չունենք ասել՝ Արցախը չպետք է լինի Ադրբեջանի կազմում:

Վիգեն Խաչատրյանը, որ հանրահռչակված է իր բացառիկ թրքասիրությամբ, բացի այն, որ ԱԺ-ում կոչ է արել «գնալ ոչ թե պատմական ճշմարութան, այլ պատմական իրողությունների հետևից», միաժամանակ հայտարարել է, թե Ղարաբաղի կառավարության կազմում կան մարդիկ, որոնք վտանգում են Ղարաբաղը, ուստի պետք է տեղ չգտնեն այդ կազմում: Մինչ այդ, Խաչատրյանը հայտարարում էր, որ իրենց իշխանությունը գիշեր ցերեկ Արցախով է զբաղված:

2019 թվականին ՔՊ-ական Գևորգ Պապոյանը պնդում էր, որ Արցախը Հայաստան է և վերջ:

Այսօր Պապոյանը թելում է խաղաղության դարաշրջանի հայտնի թելը և կրկնում Փաշինյանի՝ իրականությանը սթափ նայելու թեզերը:

Ի դեպ՝ Փաշինյանի մասին: «Արցախը Հայաստան է և վերջ» մտքի հեղինակը, ինչպես գիտենք, հենց վարչապետն էր, իսկ ահա թե հիմա ինչ է հայտարարում Նիկոլ Փաշինյանը.

Ադրբեջանական մեջլիսին վայել հայտարարություններ լսելուց հետո ակամայից հարց է առաջանում հեղափոխական թիմի ներկայացուցիչներին՝ հիմա Արցախը Հայաստա՞ն է, թե՞ վերջ...