Օբամայի կողմնակիցներ. Ռոմնիի ելույթն աննախադեպ էր իր անազնվությամբ

«ԱՄՆ-ի նախագահ Բարաք Օբաման հետագա բանավեճերում պետք է պատրաստ լինի Միթ Ռոմնիի անազնվությանը»,-հայտարարել է նախագահի ավագ խորհրդական Դեվիդ Պլաֆը. գրում է Корреспондент.net-ը։

Ընդունելով, որ Ռոմնին կարողանում է բանավեճեր վարել, ինչով ոչ միշտ կարող է պարծենալ գործող նախագահը, Պլաֆը, սակայն, ընդգծել է, որ Օբամային չի հաջողվել համոզիչ կերպով ձևակերպել, թե ինչու Ռոմնիի առաջարկած տնտեսական և սոցիալական միջոցառումները կարող են կործանիչ լինել երկրի համար։

«Մենք պետք է հարմարվենք Ռոմնիի անազնվությանը։ Մեզ պետք է, որ մարդիկ հասկանան`նա ճիշտ չի խոսում։ Երբ նա բանավեճի սկզբում շրջվեց դեպի ամերիկացիները և ստեց հարկերի կրճատման իր նախագծի վերաբերյալ, նման բաները պետք է հաշվի առնել»,-ավելացրել է նա։

Նշենք, որ Օբաման և Ռոմնին կհանդիպեն ևս երկու բանավեճերի ընթացքում։ Նախագահական ընտրությունները կանցկացվեն նոյեմբերի 6-ին։