Գահավիժող տնտեսությունն ու Վահան Քերոբյանի «գերաստղերը»

Էկոնոմիկայի նախարար Վահան Քերոբյանն այսօր ավետել է , որ շատ շուտով համերգներով գերաստղեր են ժամանելու ՀՀ: Ինչպես երևում է՝ նախարարը տնտեսության հետ կապված բոլոր հարցերն ու խնդիրները հաջողությամբ լուծելուց հետո անցում է կատարել համերգների անոնսներին, իսկ թե ինչ կապ ունի այս կամ այն գերաստղի համերգը էկոնոմիկայի նախարարի հետ՝ մնում է միայն ենթադրել:

Քերոբյանի ֆեյսբուքյան էջը արդեն որոշ ժամանակ է ինչ վեր է ածվել կենացների հավաքածուի: Ո՞վ չգիտի, որ Ջերմուկ քաղաքն ունի զբոսաշրջային մեծ ներուժ, իսկ ահա թե ինչ է անում էկոնոմիկայի նախարարությունը այդ ներուժը իրագործելու համար՝ դժվար է ասել:

Ի՞նչ տվեց Շիրակի մարզին նախարարի այցելությունը Շիրակի ձմեռ փառատոնին` նույնպես պետք է կռահել, իսկ ահա այն, թե ինչ արեց նախարարը մարզի ներդրումային գրավչության բարձրացման համար` բոլորին էլ քաջ հայտնի է, թերևս ոչինչ:

Ահա ևս մի քանիսը նախարարի անոնս արած ճոխ պլաններից:

Ինչպես տեսնում ենք՝ պլաններ, պլաններ և ուրիշ ոչինչ: Նույնը ներդրումների մասով, իսկ երբ նախարարին խնդրում են խոսել թվերով և հնչեցնել կոնկրետ թվեր՝ Քերոբյանը զայրանում է: Եվ իսկապես, ինչպես կարելի է հանդգնել նման փայլուն աշխատանք և արդյունքներ ցույց տվող պաշտոնյայից պահանջել թվեր....կարևորը՝ ապագա կա և այն համեմված է լինելու գերաստղերի նորանոր համերգներով...