Փաշինյանն ապահովում է նախկինների «ոսկե զավակների» փայլուն ապագան

«Ժողովուրդ» օրաթերթի տեղեկությունների համաձայն՝ Գյումրու նախկին քաղաքապետ Սամվել Բալասանյանի որդին՝ Միսակ Բալասանյանը, կնշանակվի Լոս Անջելեսում Հայաստանի հյուպատոս: Ավելին՝ լրատվամիջոցին տեղեկությունների համաձայն՝ թեեւ իշխանությունների հետ կոնկրետ պայմանավորվածություն է ձեռք բերվել նշանակման մասով, սակայն որոշակի խնդիրներ են առաջ եկել: Բանն այն է, որ Միսակ Բալասանյանի անունը կապված է որոշ աղմկահարույց դեպքերի հետ, եւ հիմա ամեն ինչ անում են այդ դեպքերով նրա անունը «մաքրելու» համար: Այս սցենարն այնքան էլ հեռու չէ իրականությունից` հաշվի առնելով այն հանգամանքը, որ Բալասանյան դաշինքի և ՔՊ-ի միջև յուրօրինակ քաղաքական բարտեր է տեղի ունեցել և փաստացի ՏԻՄ ընտրությունները հաղթած Բալասանյանը Գյումրին հանձնել է ՔՊ-ին: Ինչու նրա որդուն այս դեպքում որևէ պաշտոն չտալ:

Սակայն, սա միակ դեպքը չէ, երբ Նիկոլ Փաշինյանը յուղոտ պաշտոններ է շնորհում նախկին պաշտոնյաների զավակներին: Նախկին ՀՀԿ-ական պատգամավոր Աշոտ Արսենյանի որդին Ջերմուկի քաղաքապետ ընտրվեց հենց ՔՊ ցուցակով , վերջինիս դեմ հարուցված քրեական գործն էլ, որն, ի դեպ, բացվել էր հեղափոխությունից հետո, ջրվեց: Այնուհետև Արսենյանը նշանակվեց Ջերմուկի համայնքապետի ժՊ, իսկ արդեն ՏԻՄ ընտրություններով ընտրվեց քաղաքապետ՝ ակտիվորեն համագործակցելով Փաշինյանի թիմի հետ:

Սիսիանի քաղաքապետ է ընտրվել Աղասի Հակոբջանյանի եղբոր որդին՝ Արմեն Հակոբջանյանը: Հիշեցնենք՝ Աղասի Հակոբջանյանը երկար տարիներ եղել է Սիսիանի քաղաքապետ:

2020-ին հայտնի էր դարձել, որ հարկային ծառայության թափուր պաշտոնը որոշակի ժամկետով զբաղեցնելու մրցույթի ընթացքում Նոր Նորքի բաժնում ավագ տեսուչ է նշանակվել ՀՀԿ-ական նախկին պատգամավոր Տաճատ Վարդապետյանի որդին՝ Ասքանազ Վարդապետյանը: Մամուլը գրել էր, որ Ասքանազ Վարդապետյանն այնքան էլ պատշաճ վարքով չի առանձնանում: 2018 թվականի օգոստոսին նա Կիեւյան փողոցում, իր տնից ոչ հեռու, տաքսու վարորդ էր ծեծել՝ 34-ամյա Արտակ Վարաժյանին, հետո էլ, ինչպես հայտնել էր տաքսու վարորդը, Ասքանազ Վարդապետյանը կոտրել էր խեղճ վարորդի «Opel»-ի հայելիներն ու դուռը: 

ՀՀ Հատուկ Քննչական ծառայության նախկին պետ Վահրամ Շահինյանի որդին նշանակվել է Երևան քաղաքի վարչական շրջանների քննչական բաժինների գործունեության վերահսկողության բաժնի պետ։ Հիշեցնենք, որ Վ.Շահինյանը հրաժարական է ներկայացրել իշխանափոխությունից հետո՝ 2018 թվականի հունիսին։

Ստացվում է, որ նախկինների դեմ պայքարող Նիկոլ Փաշինյանը որևէ խնդիր չի տեսնում այդ նախկինների զավակներին պաշտոններ բաշխելու մեջ: Այստեղ, իհարկե, Փաշինյանն առաջնորդվում է սեփական քաղաքական հաշվարկներով: Դիցուք՝ Գյումրիում Բալասանյան դաշինքի ձեռքից, ըստ էության, ՔՊ-ն խլեց իշխանությունը, իհարկե, դաշինքի համաձայնությամբ: Եվ այս տեսանկյունից Բալասանյանի որդու նշանակումը հյուպատոսի պաշտոնում որևէ մեկի մոտ զարմանք չի առաջացնի: Ջերմուկում ՔՊ-ն ՏԻՄ ընտրություններում օգտվեց ՀՀԿ-ական նախկին պատգամովր Աշոտ Արսենյանի կապերից և ունեցած հնարավորություններից: Հասկանալի է, որ ՔՊ-ում առկա է կադրային սով և խոշոր քաղաքները վերցնելը հեղափոխականներին այդքան էլ հեշտ չի տրվում: Այս գործում էլ նրանց օգնության են գալիս նախկինները, ովքեր արդեն արմատավորված են այդ համայնքներում: Նույնը կարելի է ասել նաև Սիսիանի մասին, որտեղ ՔՊ-ն օգտվեց Հակոբջանյանների ընտանիքի հեղինակությունից և կապերից:

Մնում է հասկանալ, թե օրինակ ինչո՞ւ էր Փաշինյանը բողոքում և քննադատում Հերմինե Նաղդալյանի որդու՝ Չինաստանում դեսպան նշանակվելը, եթե Նաղդալյանի և թիմակիցների դեմ պայքարից հետո պետք է գար և հյուպատոսի պաշտոնում առաջադրեր Սամվել Բալասանյանի որդուն: Սրանք հարցեր են, որոնց պատասխանները հպարտ քաղաքացիները մինչ օրս չունեն:

Այս թեմայով Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան Նիկոլ Փաշինյանն ու Աննա Հակոբյանը թիկնապահների ուղեկցությամբ մտան Մայր Տաճար. (տեսանյութ) Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան