ՄԻՊ-ի զգուշացումը մարդու իրավունքների խախտո՞ւմ է

Օրերս Մարդու իրավունքների պաշտպանի գրասենյակը հայտարարություն էր տարածել, այն մասին, որ  եթե սույն թվականի հունիսի 1-ից սկսած վեց ամսից ավել ժամկետով քաղաքացին գտնվում է  Հայաuտանի Հանրապետության տարածքից դուրu և այդ մասին վեցամսյա ժամկետը լրանալուն պես 15 օրվա ընթացքում գրավոր կերպով տեղյակ չի պահում Հայաստանի Հանրապետության համապատաuխան դիվանագիտական ներկայացուցչությանը կամ հյուպատոսական հիմնարկին, կտուգանվի 3000 ՀՀ դրամի չափով։ 

Այս մասին Lurer.com-ը զրուցեց «Ժառանգություն» կուսակցության անդամ Ստյոպա Սաֆարյանի հետ, ով սա որակեց  մարդու իրավունքների խախտում.

«Ինքս համարում եմ, որ սա մարդու իրավունքների խախտում է, քանի որ մարդն ունի ազատ տեղաշարժվելու իրավունք  և որևէ մեկը չի կարող սահմանափակել այդ իրավունքը»- նկատում է Ստեփան Սաֆարյանը և զարմանում. «Երբ ասում ենք` ընտրացուցակները հրապարակեք, ասում են` կարող է պետք չի, որ որևէ մեկը իմանա այդ մարդը գնացել է ընտրության, թե չի գնացել, հիմա նույն զուգահեռն եմ տանում, և հարց եմ տալիս. կարող է պետք չէ՞, որ պետությունն իմանա, թե քաղաքացին ուր է գնացել և երբ է պատրաստվում վերադառնալ։ Ինչո՞ւ պետք է իմանա»- հարց բարձրացրեց վերջինս։