Ռոմանոս Պետրոսյանի երկակի ստանդարտները՝ յուրայիններին «պատժելու» գործում

ՀՀ պետական վերահսկողական ծառայությունը երեկ տեղեկացրեց, որ այս պահի դրությամբ վերահսկողական գործողություններ են իրականացվում հինգ տասնյակից ավելի վերահսկվող օբյեկտում՝ պետական կառավարման համակարգի մարմիններում, նրանց ենթակա հիմնարկներում, ինչպես նաև՝ մի շարք տեղական ինքնակառավարման մարմիններում: Ի մասնավորի, այդ ցանկում են Երևանի քաղաքապետարանը, ՀՀ պաշտպանության նախարարությունը, ՀՀ առողջապահության նախարարությունը, «Հայփոստ» ՓԲԸ-ն, «Շտապբուժօգնություն» ՓԲԸ-ն և այլն:

Գաղտնիք չէ, որ ՊՎԾ-ն Նիկոլ Փաշինյանի համար քաղաքական մահակ է՝ թե՛ ընդդիմադիրների, թե՛ յուրայինների վրա և ՊՎԾ ստուգումների միջոցով Փաշինյանը մի շարք խնդիրներ է լուծում, այդ թվում՝ թիրախավորելով յուրայիններին: Դիցուք՝ էկոնոմիկայի և առողջապահության նախարարները այն պաշտոնյաներն են, ովքեր տապալել են երկու առանցքային ոլորտները և զարմանալի չի լինի, եթե ՊՎԾ կողմից վեր հանվեն այնպիսի խախտումներ, որոնք էլ կհանգեցնեն վերջիններիցս ազատվելուն, Փաշինյանն էլ կմնա գլխավոր պատասխանատուն, սակայն ոչ գլխավոր մեղավորը:

Մյուս կողմից պետք է նշել, որ եթե ՊՎԾ-ն ցանկանում էր օբյեկտիվ աշխատել , ապա ստուգումներ պետք է իրականացվեին նաև այն կառույցներում, որոնցում առկա չարաշահումների մասին մամուլը բազմիցս էր բարձրաձայնել: Օրինակ՝ ինչու ՊՎԾ-ն ստուգումներ չի նախաձեռնում Տավուշի մարզպետարանում: Հայկ Ղալումյանի արկածների մասին մամուլը գրեթե յուրաքանչյուր շաբաթ է գրում, սակայն վերջինիս, կարծես, փրկում է այն հանգամանքը, որ ինքը հանդիսանում է Նիկոլ Փաշինյանի քավորը:

ՊՎԾ-ն ցանկության դեպքում կարող էր ուսումնասիրել Իջևանի և Մեծամորի համայնքապետարաններում գնումների գործընթացները: Արթուր Ճաղարյանը և Վահրամ Խաչատրյանը վերջերս որոշել էին համայնքային բյուջեի հաշվին իրենց նոր ավտոմեքենաներ գնել: Արդյո՞ք գնումների գործընթացները այս համայքնապետարաններում ՊՎԾ-ին չեն հետաքրքրում:

Շիրակում ՏԻՄ ընտրություններին ընդառաջ արդեն նախկին մարզպետ Հովհաննես Հարությունյանի անվան շուրջ ուշագրավ պատմություններ էին պտտվում: Մամուլը գրել էր այն մասին, որ վերջինս սոցիալական օգնության անվան տակ պետական բյուջեից գումարներ է բաժանել,  և, բնականաբար, քանի որ դա արվել է ընտրությունների նախաշեմին՝ դիտվել է որպես լեգալ ընտրակաշառք: Արդյո՞ք ՊՎԾ-ին չեն հետաքրքրում այս պատմության հանգամանքները:

Հաշվեքննիչ պալատը խախտումներ էր արձանագրել դեռևս Զարուհի Բաթոյանի կառավարման տարիներին սոցապ նախարարությունում գտնված խախտումների մասով: Համաձայն զեկույցի՝ պարզվում է, որ կոռուպցիայի և թալանի մասին սրտաճմլիկ ելույթներ ունեցող այս իշխանությունն է հենց թաթախված այդ ամենի մեջ:

Կոռուպցիայի դեմ պայքարում զրո անհանդուրժողականության մասին մշտապես հայտարարող Նիկոլ Փաշինյանի կառավարությունն օրեր առաջ մեկ անձից կատարվող գնման ընթացակարգով 750 մլն դրամ հատկացրեց «Ֆակտորի Փրադաքշն» ՍՊԸ-ին: 1,5 միլիոն դոլարն այս ընկերությանը տրվում է ընդամենը տասը օրվա համար՝ մայիսի 21-31-ը Երևանում բռնցքամարտի մեծահասակների Եվրոպայի առաջնությունը կազմակերպելու նպատակով: Այս քայլը նույնպես աննկատ մնաց ՊՎԾ կողմից:

ՀՀ Էկոնոմիկայի նախարարությունը միայն կորոնավիրուսով պայմանավորված անձանց կեցության ապահովման համար՝ սնունդ և հյուրանոցային ծախսեր տրամադրել է 5 միլիարդ 259 միլիոն 271 հազար ՀՀ դրամ՝ փաստացի նախարարությանը կորոնավիրուսի դեմ պայքարի համար տրամադրած բյուջեի ամենաշատ մասը՝ 26 տոկոս։ Մոտ 1 միլիարդ 800 միլիոն ՀՀ դրամ տրամադրվել է COVID-19-ի շրջանակներում մեկուսացված և հիվանդ անձանց միայն սննդի գնմանը։ Գնումները կատարվել են մեկ անձից։ Ամենախոշոր գնումը կատարվել է Ռեդի Սթեդի՝ Արտլանչ, կազմակերպությունից։ Միայն 2020 թվականին Արտլանչից գնվել է 527 770 750 ՀՀ դրամի չափով սնունդ։ Նշենք, որ այս կազմակերպությունը պատկանում է իշխանության հետ մտերիմ հարաբերություններ ունեցող Բակուր Մելքոնյանին։ Սակայն, ՊՎԾ-ն աչքաթող է արել նաև այս դրվագը:

Ինչպես տեսնում ենք՝ Նիկոլ Փաշինյանը ՊՎԾ ղեկավար Ռոմանոս Պետրոսյանի միջոցով թիրախավորում է ոչ բոլոր իր թիմակիցներին և չարաշահումների և խախտումների դեմ պայքարը ստանում է ընտրողական բնույթ, մինչդեռ եթե ՊՎԾ-ն իսկապես մտահոգված լիներ պետական կառավարման համակարգը նման երևույթներից մաքրելու գործով, ապա կանդրադառնար նաև վերը նշված բոլոր դրվագներին:

Այս թեմայով Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան Նիկոլ Փաշինյանն ու Աննա Հակոբյանը թիկնապահների ուղեկցությամբ մտան Մայր Տաճար. (տեսանյութ) Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան