Փաշինյանը «թռավ» ժողովրդին տված հերթական խոստումներից (տեսանյութեր)
Վերլուծական
Հեղափոխությունից անմիջապես հետո Նիկոլ Փաշինյանը հպարտորեն հայտարարում էր, որ ղեկավարության օրոք, ի տարբերություն նախկին իշխանությունների, չեն լինելու ռեպրեսիաներ մամուլի նկատմամբ:
Մի կողմ դնենք այն հանգամանքը, որ Նիկոլ Փաշինյանի քաղաքական թիմն ընդունեց այնպիսի օրենքներ, որոնք ուղղակիորեն սահմանափակում էին ազատ մամուլի գործունեությունը: Այս օրերին Երևանում ընթացող բողոքի ակցիաների ժամանակ տուժող կողմ են ոչ միայն ցուցարարները, այլ նաև լրագրողները: Այսօր բիրտ ուժի գործադրմամբ ակցիայի վայրից փորձում էին առևանգել լրագրողի:
Փաշինյանը նաև խոստանում էր, որ իր ղեկավարման ընթացքում որևէ ցուցարարի դեմ անհամաչափ ուժ չի գործադրվի:
Անցել է չորս տարի, և ահա այսպես է Նիկոլ Փաշինյանի իշխանությունը պաշտպանվում սեփական քաղաքացիներից՝ նրանց ասֆալտին փռելով և քարշ տալով, մարմնական վնասվածքներ հասցնելով:
Ինչպես երևում է՝ Փաշինյանն ակնհայտորեն մոռացել է հպարտ քաղաքացիներին և մեդիա դաշտին տված իր վաղեմի հավաստիացումները և թեև վարչապետը բացառում էր, որ նման երևույթներ կարող են տեղ գտնել իր ղեկավարման տարիներին՝ դրանք այսօր ավելի քան ցայտուն են դրսևորվում:
Ամենադիտված 
Մնաս բարյավ. Րաֆֆի Հովհաննիսյան
