Ծեծվող քաղաքացիներն ու ՄԻՊ Քրիստինե Գրիգորյանի Ժնյան «վոյաժները»

Մինչ Հայաստանի մայրաքաղաքում ընթացող բողոքի ակցիաների մասնակիցները փորձում են հասկանալ՝ արդյո՞ք Հայաստանը ունի ՄԻՊ և եթե այո, ապա ուր է մեր նորաթուխ ՄԻՊ-ը, վերջինս, պարզվում է, Ժնևում է: Ներկայացնում է այնտեղ, թե ինչպիսի հաջողությունների է հասել Հայաստանի ՄԻՊ ինստիտուտը վերջին տարիներին ՝ զինված ուժերում մարդու իրավունքների պաշտապանության գործում: Բացի այդ, Քրիստինե Գրիգորյանը ժնևյան ֆորումի մասնակիցներին է ներկայացրել այն բոլոր հավաքված փաստերը, որոնք վկայում են Ադրբեջանի ցեղասպան գործունեության և հայ ռազմագերիների հանդեպ իրականացրած խոշտանգումները:

Քանի որ ՀՀ նորաթուխ ՄԻՊ-ը որևէ կերպ չէր կարող մասնակից լինել թվարկած փաստերի հավաքագրմանը և դրանով զբաղվել է նախկին ՄԻՊ Արման Թաթոյանը, ասել է թե ՔՊ-ական մարդու իրավունքների պաշտպանը բյուջեի հաշվին մեկնել է Ժնև ՝ պատմելու, թե ինչ ակտիվ գործունեություն է ծավալել իր նախորդը, իսկ այդ նույն պահին իր երկրում մարդիկ փնտրում են արդեն գործող ՄԻՊ-ին, որպեսզի նրան ներկայացնեն մարդու իրավունքների խախտման աղաղակող դեպքերը՝ ակնկալելով, իհարկե, վերջինիս օգնությունն ու օժանդակությունը:

Սակայն, ինչպես երևում է, երկար են փնտրելու. նորաթուխ ՄԻՊ-ը վոյաժների մեջ է...