ՔՊ-ականների «սեզոնային» խոստումները. ովքեր են շարունակում «թոզ փչել» երևանցիների աչքերին

Այսօր առավոտյան Երևանի քաղաքապետի ՔՊ թեկնածու Տիգրան Ավինյանը գրառում էր կատարել` հայտնելով, որ սկսում է Երևանի մետրոյի Աջափնյակ կայարանի նախագծման աշխատանքը: Ժամեր անց կառավարության նիստում վարչապետ Փաշինյանը հպարտորեն հայտարարեց, որ վերջապես գործուն քայլեր են կատարվում մետրոյի տվյալ կայարանը կառուցելու ուղղությամբ:

Դժվար է ասել, թե ՔՊ-ականների քանի սերունդ է փիառվել և շարունակում փիառվել մետրոյի նոր կայարանի կառուցման վրա:

2018-ին Հայկ Մարությանը գնաց Երևանի քաղաքապետի ընտրություններին` խոստանալով կարճ ժամանակում կառուցել մետրոյի նոր կայարան: 2019-ի սկզբին Մարությանը թմբկահարում էր՝ նախատեսվում է մետրոյի երկու կայարան կառուցել, սկզբում կլինի առաջինը, հետո՝ երկրորդը։ 

«Մեկը կլինի Թումոյի մոտ, մյուսը շարունակվում է Կվարտալ: Առաջինը ավելի մոտ ժամանակներում կլինի, երկրորդը՝ ավելի հեռու: Մեկ կիլոմետր մետրոյի արժեքը միջին հաշվարկով արժե 100 միլիոն դոլարին համարժեք ՀՀ դրամ»,- ավագանու նիստից հետո ասել էր Հայկ Մարությանը։

Ավելին՝ կլոր սեղանի ֆորմատով քննարկումներ եղան, հավաքվեցին, գլուխ գլխի տվեցին եւ 2019 թվականին հայտարարեցին, թե տեղի են ունենում հանդիպումներ, քննարկվում են Հալաբյան փողոցի նոր կայարանի մոտ բազմաֆունկցիոնալ բարձրահարկ կառույցներով, ստորգետնյա ավտոկայանատեղով և առևտրի կենտրոնով համալիրի ստեղծման հնարավորությունները:  Իսկ թե վերջապես երբ են մեկնարկելու շինարարական աշխատանքները, երբ պատրաստ կլինի մետրոյի նոր կայարանը, քաղաքային իշխանությունները չեն նշում։

Այնուհետև որոշեցին առաջ ընկնել երազանքներից եւ մի մետրոյի կայարան ավելացնել Սուրմալու-Փեթակ առեւտրի կենտրոնների տարածքներում։ Իհարկե, դա էլ գրվեց սառույցին;

Մետրոպոլիտենի այն ժամանակվա տնօրեն Փայլակ Յայլոյանը հայտարարում էր.

Այնուհետև նմանատիպ խոստում տվեց Արթուր Մեսչյանը.

Երևանի մետրոպոլիտենի «Աջափնյակ» նոր կայարանի շինարարությունը, հնարավոր է, մեկնարկի 2020թ.–ի գարնանը, այս մասին էլ ասում էր Երևանի փոխքաղաքապետ Հայկ Սարգսյանը։ 

 Երևանի ներկա քաղաքապետ Հրաչյա Սարգսյանը, որն այս պաշտոնում դեկտեմբերին ընտրվել էր «Քաղաքացիական պայմանագրի» որոշմամբ, ընդամենը մեկ ամիս առաջ՝ մարտի 31-ին, Sputnik Արմենիա-ի հետ զրույցում 50 մլն եվրո արժողությամբ մետրոյի կայարանի կառուցումը «ներկա պահին ճոխություն» էր համարել։ Սարգսյանը նշել էր, որ ինքը համատեղությամբ նաև Երևանի մետրոպոլիտենի խորհրդի անդամ է և խնդիրներին ծանոթ է բավական մանրամասն։ Այժմ Սարգսյանը փոխել է իր կարծիքը:

Մետրոյի նոր կայարանի կառուցման համար ներդրող ներգրավելու ընթացքում հասցրել է փիառվել նաև էկոնոմիկայի նախարար Վահան Քերոբյանը.

 Դժվար է նույնիսկ հաշվել, թե քանի ՔՊ-ական է հասցրել քաղաքական դիվիդենտ հավաքել մետրոյի նոր կայարանի կառուցման վրա, մինչդեռ կայարանը նոր-նոր պետք է նախագծվի և դեռ հայտնի էլ չէ՝ բանը կառուցելուն կհասնի, թե ոչ: Միևնույն ժամանակ, չորս տարի երևանցիներին խաբած ՔՊ-ականներն այսօր էլ շարունակում են շահարկել այն նախագիծը, որը, ըստ իրենց նախընտրական ծրագրի, պետք է վաղուց արդեն կառուցված և շահագործման հանձնված լիներ...