Նիկոլ Փաշինյանի 10 «այլևս երբեք»-ները և դառը իրականությունը

2018 թվականի հեղափոխության ժամանակ Նիկոլ Փաշինյանը հայտարարել էր մի շարք այլևս երբեքների մասին. երևույթներ, որոնք Նոր Հայաստանում չպետք է տեղ գտնեին նախկին իշխանություններին մերժելուց և նոր իշխանությունների գալուց հետո:

Թվարկենք Նիկոլ Փաշինյանի այլևս երբեքների թոփ 10-յակը և պարզենք՝ արդյոք այդ երևույթները վերացել են Նոր Հայաստանում, թե ոչ:

Նիկոլ Փաշինյանը հայտարարում էր, որ այլևս երբեք ԱԺ դռները քաղաքացու առջև փակ չեն լինելու: Ուշագրավ է, սակայն, մի քանի օր շարունակվող բողոքի ակցիաների ֆոնին ԱԺ ղեկավարությունը ոչ միայն որոշեց փակել իր դռները ժողովրդի համար, այլ նաև զոդել դարպասները:

Նիկոլ Փաշինյանը հայտարարում էր, որ իր շարասյունը այսուհետ միշտ կանգնելու է կարմիր լույսի տակ՝ հարգելով քաղաքացիներին: Ընդամենը օրեր առաջ վարչապետի շարասյունը մեկ մարդու մահվան պատճառ էր դարձել, իսկ ընդհանրապես ահա թե ինչպես է երթևեկում Փաշինյանի կորտեժը հեղափոխությունից չորս տարի անց:

Նիկոլ Փաշինյանը հայտարարում էր, որ այլևս երբեք վարչապետը պադավատներով չի շրջելու, իսկ ծառայողական մեքենաների թիվը կկրճատվի: Հեղափոխությունից հետո Նիկոլ Փաշինյանի համար պետական բյուջեի հաշվին գնվել են նոր ծառայողական մեքենաներ, իսկ վերջինիս պադավատները պակասություն ակնհայտորեն չեն անում:

Փաշինյանը հայտարարում էր, որ այլևս երբեք ժողովրդի ընտրած վարչապետը ժողովրդից չի խուսափելու և միշտ հասանելի է լինելու: Ընդամենը տարիներ անց Փաշինյանը շրջում է տասնյակի հասնող թիկնապահներով, իսկ նրա թիկնազորը անգամ քաղաքացիների է ծեծի ենթարկում:

Փաշինյանը հայտարարում էր, որ այլևս երբեք գործարարները ԱԺ չեն մտնելու, ԱԺ-ն դառնալու է միայն մասնագետ կադրերի և ժողովրդի ընտրյալների ժողովվելու վայր: Որոշ ժամանակ անց, սակայն, գործարարներն ԱԺ մտան հենց ՔՊ նախընտրական ցուցակով: Դիցուք՝ Գուրգեն Արսենյանը: Ով քիչ չի պատգամավոր է դարձել` լինելով գործարար, դեռ մի բան էլ ցուցումներ է տալիս վարչապետին:

Նիկոլ Փաշինյանը խոստանում էր, որ իր ղեկավարած երկրում ոստիկանը այլևս երբեք բռնություն չի կիրառի բողոքի ակցիայի դուրս եկած քաղաքացիների նկատմամբ: Չորս տարի անց ոստիկանները բացահայտ ծեծի են ենթարկում և անհամաչափ ուժ կիրառում ցուցարար քաղաքացիների նկատմամբ:

Փաշինյանը խոստանում էր, որ իր թիմը օլիգարխների և նախկին իշխանության օդիոզ դեմքերի հետ որևէ ընդհանուր բան չի ունենալու: Սակայն, կարճ ժամանակ անց ՀՀԿ սրտի օլիրգախ Սամվել Ալեքսանյանը դարձավ հեղափոխականների սրտի օլիգարխը:

Նիկոլ Փաշինյանը խոստանում էր, որ Հայաստանում այլևս չի լինելու մենաշնորհ: Սակայն, հեղափոխությունից չորս տարի անց մենք բախվել ենք մի իրավիճակի, երբ անգամ պատկան մարմիններն են ընդունում մենաշնորհի գոյության հարցը, իսկ ՄՊՀ նախագահ Գեղամ Գևորգյանը ընդհանրապես հայտարարում է, որ մենաշնորհի դեմ պայքարել չի պատրաստվում:

Փաշինյանը խոստանում էր, որ այլևս երբեք Հայաստանում չեն լինելու իշխանավոր արտոնյալներ, և, ընդհանրապես, օրենքի առաջ բոլորը լինելու են հավասար: Բերենք ընդամենը մեկ օրինակ. համավարակի թեժ պահին առողջապահության նախարարությունը հրաման էր արձակել, որպեսզի բոլորը փակ վայրերում դիմակ կրեն: Ահա իշխանավորները այդ հրամանը արձակելուց հետո:

Փաշինյանը խոստանում էր որ այլևս երբեք քաղաքացին տուգանքի մատերիալ չի դառնալու: Թե չորս տարվա ընթացքում քանի նոր տուգանք ավելացրեց Նիկոլ Փաշինյանի խմբակցությունը իր ընդունած օրենսդրական փոփոխություններով՝ նույնիսկ դժվար է հաշվել: Սակայն, քաղաքացին տուգանքի մատերիալ է մինչ օրս և դա, ցավոք, փաստ է: