Փաշինյանն այլևս Սամվել Ալեքսանյանի «ախպերը» չէ՞

Վերջին օրերին Նիկոլ Փաշինյանի և նրա սրտի օլիգարխ համարվող Սամվել Ալեքսանյանի հարաբերությունները, մեղմ ասած, լարված են: Մի կողմից՝ Սամվել Ալեքսանյանը նախորդ տարիների համեմատ ակտիվ չէ վարչապետի ընտանեկան հիմնադրամին գումարներ ուղարկելու հարցում, Ալեքսանյանը, կարծես, այլևս չի ցանկանում բարեգործությամբ զբաղվել, ինչն էլ չի վրիպել Նիկոլ Փաշինյանի սուր հայացքից:

Վերջերս  կառավարության նիստում որոշում կայացվեց, որով Սամվել Ալեքսանյանին պատկանող «Ալեքս տեքստիլ» ընկերությանը զրկեց զուգագուլպաների արտադրության համար նախկինում տրամադրված մաքսային արտոնությունից։

Ըստ հիմնավորման՝ ընկերությունը ներկայում չի կարողանում օգտվել վերոնշյալ արտոնությունից, քանի որ այդ գործունեության համար նախատեսված տարածքի շինարարական աշխատանքները դեռևս չեն ավարտվել, և ավարտի ժամկետը հայտնի չէ: Հիշեցնենք, որ գործարար Սամվել Ալեքսանյանի ընտանիքին պատկանող «Ալեքս Տեքստիլ» ընկերությունը 2021թ–ի որոշմամբ ազատվել էր 106 մլն դրամ մաքսատուրքից:

Այնուհետև ՄՊՀ-ն հանկարծ հիշեց, որ Սամվել Ալեքսանյանի հետ կապվող «Վեգա» ընկերությունը անբարեխիղճ մրցակցություն է մղում: Ինքը` Ալեքսանյանը, իհարկե, իրեն բնորոշ ոճով հերքում է, որ այս ընկերության սեփականատերն է, սակայն ինչպես ասում են` չկա ծուխ առանց կրակ, և մամուլը բազմիցս էր գրել, որ «Վեգան» պատկանում է հենց Սամվել Ալեքսանյանին:

Էկոնոմիկայի փոխնախարար Ռաֆայել Գևորգյանն էլ սկսել է այցելել տեքստիլ ոլորտում Սամվել Ալեքսանյանի փոքր, սակայն մրցակիցներին, մինչդեռ մինչ այս պահը նախարարությունը հիմնականում գովազդում էր հենց «Ալեքս տեքստիլը»:

Ըստ էության, իշխանությունների և Սամվել Ալեքսանյանի գետն այս պահին նույն հունով չի հոսում և ակնհայտ է, որ իրենց սրտի օլիգարխին այս կերպ փորձում են որոշակի մեսիջներ հղել՝ գուցե ակնարկելով, որ վարչապետի ընտանեկան հիմնադրամին չմուծվելը դեռ չի նշանակում, որ իշխանությունների ձեռքը նրա քսակում չի հայտնվելու....

Այս թեմայով Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան Վեհափառը պարգևատրեց Սամվել Կարապետյանին, Վաչե Մանուկյանին, Նուբար Աֆեյանին և այլ բարերարների. (տեսանյութ) Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան Մայր Տաճարի նորոգման հիմնական բարերար Սամվել Կարապետյանը ժամանեց վերաօծման արարողությանը. (տեսանյութ)