Բռնկված հրդեհի հետևանքով տանտերը և տանտիրուհին մահացել են

Հոկտեմբերի 5-ին՝ ժամը 07.55-ին, ՀՀ ԱԻՆ Վաղարշապատի հրշեջ փրկարարական ջոկատից ոստիկանության Վաղարշապատի բաժնում ահազանգ է ստացվել, որ Ջրառատ գյուղում տուն է այրվում և տան ներսում մարդ կա:

Մեկնած օպերատիվ խումբը պարզել է, որ ժամը 06.00-ի սահմաններում, ըստ նախնական տվյալների՝ 3 կգ տարողության գազի բալոնի հետ անզգույշ վարվելու հետևանքով հրդեհ է բռնկվել 1942 թ. ծնված Արշավիր Եղիազարյանի տանը, ինչի հետևանքով վերջինս և նրա կինը' 1939 թ. ծնված Ռիմա Եղիազարյանը ստացած այրվածքներից տեղում մահացել են:
Հրդեհը մարվել է նույն օրը, ժ.08.10-ին, մարտական 2 հաշվառկի ուժերով:
Հանգամանքները պարզվում են:
Ոստիկանության Վաղարշապատի քննչական բաժանմունքում նյութեր են նախապատրաստվում: