Անահիտ Ավանեսյանի սկանդալային «ինքնախոստովանությունը». նա հրաժարակա՞ն կտա

Բժիշկ Գևորգ Գրիգորյանը ֆեյսբուքյան իր էջում գրում է․ «ԱՀԿ-ն իր Covid-19-ի վերաբերյալ զեկույցում նշել է, որ Հայաստանում Covid-19-ի ավելցուկային մահերի թիվը ուռճացված է, ինչին ի պատասխան առողջապահության նախարարությունը սկսել է արդարանալ և մեղքը գցել հաշվարկների տեխնիկական խմբի գործունեության վրա, որ «պատահականության» և/կամ «տեխնիկական սխալի» արդյունքում, ավելցուկային մահերի մեջ ներառվել են նաև 44-օրյա պատերազմի արդյունքում մահացած անձինք»:

Բնական է, որ սա չէր կարող լինել զուտ պատահականություն կամ սխալ հաշվարկ, քանի որ այդ հաշվարկը շատ հարմար էր գործող իշխանությունների համար: Մի կողմից` ահ ու սարսափ էին տարածում հանրության վրա՝ ուռճացնելով համավարակից մահացածների թվերը և պարտադրում պատվաստվել, մյուս կողմից, ըստ էության, թաքցնում էին պատերազմում մեր զոհերի իրական թվերը:

Անահիտ Ավանեսյանը նման ինքնախոստավանությունից հետո անգամ բարոյական իրավունք չունի շարունակելու զբաղեցնել նախարարի պաշտոնը և անհապաղ պետք է հրաժարական ներկայացնի: Բացի այդ, պետք է հարուցվի քրեական գործ և պարզվեն այս մասշտաբային կեղծիքի բոլոր շահառուները, իրականոցնողները և, իհարկե, հրաման տվողները: Հասկանալի է, որ Անահիտ Ավանեսյանը չէր կարող նման ավանտյուրայի գնալ ինքնագլուխ՝ առանց վերևների հետ դա համաձայնեցնելու և բնական է, որ տվյալների կեղծումից տեղյակ էր նաև Անահիտ Ավանեսյանը: Եթե համապատասխան քննություն չտարվի և վեր չհանվեն բոլոր մեղավորները, ապա հանրությունն էլ իր հերթին հիմքեր կունենա մտածելու, որ պատկան մարմիններն այս դեպքում փրկում են ոչ թե և ոչ այնքան Անահիտ Ավանեսյանին, որքան Նիկոլ Փաշինյանին: