Գարեգին Բաղրամյանի «խրախճանքը ժանտախտի ժամանակ»

Հայաստանի հանրային ծառայությունները կարգավորող հանձնաժողովը մոտ 340 հազար դրամ գումար է ծախսել՝ կոնյակներ ու հուշանվերներ գնելու համար: Հանձնաժողովը միայն 105 հազար դրամ ծախսել է կոնյակ գնելու համար. ձեռք է բերվել 4 0.7 լ «Դվին» կոնյակ՝ յուրաքանչյուրի համար վճարելով 22000 դրամ, ԱԱՀ-ն՝ 17600 դրամ: Եւս 4 կոնյակ է գնվել, որի համար ՀԾԿՀ-ն վճարել է ընդհանուր 86000 դրամ (ներառյալ ԱԱՀ-ն): Բացի այս, ՀԾԿՀ-ն գնել է նաեւ 4 հուշանվեր, որոնց համար ընդհանուր վճարել է 148 հազար դրամ՝ մեկ հուշանվերի համար վճարելով 37 000 դրամ:

Բացի այդ, 750,000 դրամի մեդալներ և կրծքանշաններ են գնվել ՀԾԿՀ կողմից՝ մեկ անձից:

Բացի այդ, ՀԾԿՀ-ն 1,852,850 դրամի լվացքի միջոց է գնել, 224,898 դրամի գրասենյակային պարագաներ,   619,000 դրամի կահույք, 228,000 դրամի փոշեկուլ, 275,000 դրամի գրասենյակային կենցաղային կահույք:

Ստացվում է, որ քաղաքացիների համար գրեթե բոլոր ծառայությունները թանկացնելու որոշում կայացրած կառույցն ինքն իրեն ճոխություններում զսպել չի պատրաստվում: Եվ եթե գազի, ջրի, էլեկտրաէներգիայի թանկացման արդյունքում քաղաքացիներին կոչ էին անում ձգել գոտիները՝ ՀԾԿՀ ղեկավար կազմին և անձամբ Գարեգին Բաղրամյանին դա, կարծես թե, չէր վերաբերվում....