ՔՊ-ականների գնահատականը ուժայինների «բեսպրեդելին»՝ 2018-ին և այսօր

ՔՊ-ական պաշտոնյաները, ովքեր դեռևս 2018-ին բողոքում էին ոստիկանական բիրտ ուժերից և անվանում խաղաղ ցուցարների դեմ ուժայինների գործողությունները ոստիկանապետություն, այսօր միմյանց հերթ չզիջելով արդարացնում են այդ նույն գործողությունները, սակայն արդեն ընդդիմադիր հայացքներ ունեցող քաղաքացիների նկատմամբ:

Դիցուք՝ ՔՊ-ական պատգամավոր Արփի Դավոյանը փորձում է արդարացնել ոստիկանների բիրտ գործողությունները ԱԺ հանձնաժողովի նիստի ընթացքում:

Նույն Արփի Դավոյանը 2018-ի հեղափոխության ժամանակ կոչ էր անում միջազգային հանրությանը արժանի գնահատական տալ ոստիկանության գործողություններին:

Ներկայումս պատգամավոր Վահագն Ալեքսանյանը 2018-ին ընդդիմադիր  շարժման ակտիվիստ էր և բարձրախոսը ձեռքին բողոքում էր ոստիկանության անհամաչափ ուժից և ընդհանրապես քաղաքական հակառակորդների դեմ կիրառվող ուժից:

Այսօր նրա մոտեցումները, կարծես թե, փոխվել են:

Գարիկ Սարգսյանը, ով հեղափոխության օրերին ամենաակտիվներից մեկն էր, մշտապես հայտնվում էր ամենաթեժ թոհոբուհի մեջ, միանշանակ չէր կարող կողմ լինել իր և թիմակիցների հանդեպ իրականացվող բիրտ գործողություններին:

Հեղափոխությունից հետո ահա այսպիսի կարծիք ունի ոստիկանության մասին Գարիկ Սարգսյանը:

Վարչապետ Նիկոլ Փաշինյանը 2018-ին գլխավոր գործող անձն էր, ոստիկանության բիրտ գործողությունների արդյունքում նա ոչ միայն թեթև վիրավորում էր ստացել, այլ նաև բազմիցս բերման էր ենթարկվել:

Այն ժամանակ Նիկոլ Փաշինյանը  այդ գործողությունները որակում էր որպես ոստիկանապետությանը բնորոշ տարրեր: Այսօր, իհարկե, իրավիճակ է փոխվել, և արդեն վարչապետ Փաշինյանը ուժայիններին հորդորում է պահպանել օրենքի գերակայությունը, թերևս դրա տակ նկատի ունենալով՝ ընդդիմադիր հայացքներ ունեցող քաղաքացիներին ասֆալտին պառկացնելն ու կոտրվածքներ հասցնելը, ինչին ականատես ենք լինում գրեթե յուրաքանչյուր օր:

Արսեն Թորոսյանը սպառնում էր արտագաղթել, եթե տեղի չունենա իշխանափոխություն և վերջ չտրվի առկա բեսպրեդելին:

Այսօր նա ողջունում է իրավապահների քայլերը և հայտարարում, որ ընտրություններից բացի իշխանության ձևավորման այլ ճանապարհ չկա:

Ինչպես տեսնում ենք՝ իշխանությունը բավականին քաղցր բան է և շեշտակիորեն փոխում է այն մարդկանց սկզբունքները և արժեհամակարգը, ովքեր ինչ-ինչ ճանապարհներով կարողանում են հասնել դրան: 2018-ին իրավապահների գործողությունները բեսպրեդել որակողները, այսօր, գալով պաշտոնի, այդ նույն գործողությունները անվանում են օրենքի գերակայության վերահաստատում և ժողովրդավարության դրսևորում...