Հրաչյա Սարգսյանը հանցավոր անգործությո՞ւն է դրսևորում «թալանի» դեմ պայքարում

Երևան քաղաքի ավագանու անդամ Լևոն Զաքարյանը օրեր առաջ տեղի ունեցած ավագանու նիստի ընթացքում ունեցած իր ելույթում, խոսելով «Երևան ավտոբուս» ընկերության մասին, ասել էր, որ համարյա բոլոր վարորդները, իհարկե, բացառություններ կան, քաղաքացիներից վերցնում են գումար։ Օրինակ՝ եթե այդ սարքերի վրա ցույց է տալիս, թե քանի 100-դրամանոց ես  գցել, եթե երեկոյան ժամին ցույց էր տալիս 450-500, հիմա ցույց է տալիս հարյուր քանի հատ։ Միայն դրանով կարելի է որոշել, որ վարորդները վերցնում են։ Լևոն Զաքարյանը հակված էր մտածելու, որ դա հրահանգավորվում է, որ բոլորը անեն, հակառակ դեպքում` այդ թիվը չէր աճի։

Ըստ էության, ավագանու անդամն իր այս ելույթով հանցագործության մասին հայտարարություն է տվել, որը, կարծես թե, անցել է պատկան կառույցների ուշադրության կողքով: Սակայն, հետաքրքիր է, որ որևէ էական արձագանք այս հայտարարությանը չի տվել իր ենթակաների կողմից կատարված սխալների վրա մշտապես հոխորտացող Հրաչյա Աարգսյանը: Համատիրությունից մեկ ասեղ պակասելու դեպքում քաղաքապետը արդեն ծառայողական քննություն էր նշանակել, իսկ հիմա լռում է:

Ինչո՞վ է պայմանավորված կոռուպցիայի, տարատեսակ չարաշահումների դեմ մշտապես պայքարելու անհրաժեշտությունից խոսացող Հրաչյա Սարգսյանի այս տարակուսելի լռությունը, ի վերջո նրան հայտնել են, որ իր ղեկավարած կառույցում կատարվում է հանցագործություն և կան ապացույցներ: Արդյո՞ք Հրաչյա Սարգսյանը գիտակցում է, որ չարձագանքելով և պատշաճ ուսումնասիրություն չկատարելով` հանցավոր անգործություն է դրսևորում, ինչը արդեն իսկ օրենքի խախտում է իր՝ պաշտոնատար անձի կողմից և դա էլ իր հերթին ենթադրում է խիստ պատիժ՝ օրենքի տառին և ոգուն համապատասխան....