Բան կի Մունը կոչ է արել դադարեցնել զենքի մատակարարումը Սիրիա

ՄԱԿ-ի գլխավոր քարտուղար Բան կի Մունը կոչ է անում դադարեցնել զենքի մատակարարումը դեպի Սիրիա և հայտարարում, որ պետությունների ղեկավարները պետք է ականջալուր լինեն իրենց ազգին. գրում է Подробности-ն։

Երկուշաբթի օրը, ելույթ ունենալով ժողովրդավարության համար համաշխարհային ֆորումում՝ ՄԱԿ-ի գլխավոր քարտուղարը հիշեցրել է, որ «ՄԱԿ-ի անդամ պետությունների համաշխարհային առաջնորդները ժողովրդավարությունը բնորոշել են որպես ունիվերսալ արժեք», իսկ կազնակերպության 60-ամյակին ընդունված զարգացման հռչակագրի հարյուրամյակի շրջանակներում պարտավորվել են ավելի շատ ջանքեր գործադրել ժողովրդավարության առաջխաղացման և իրավունքի գերակայության համար։ «Մեր օրակարգում այս հարցերը առաջնային տեղ են զբաղեցնում»։

Գլխավոր քարտուղարի խոսքերով՝ ՄԱԿ-ի աշխատանքը մարդու իրավունքների, իրավունքի գերակայության առաջխաղացումն է, ինչպես նաև՝ մարդկանց կյանքի վրա ազդեցություն ունեցող հարցերում որոշումների ընդունումը, նրանց մասնակցության հնարավորությունների ամրապնդումը։ «Իմ ուղերձը աշխարհի բոլոր առաջնորդներին՝ Սիրիայի նախագահ Բաշար Ասադից մինչև մյուսները, այն է, որ դուք պետք է լսեք ձեր ժողովրդին, քանի դեռ ուշ չէ»:

ՄԱԿ-ի գլխավոր քարտուղարը անդրադարձել է Սիրիայում վատթարացող իրադրությանը, ինչը սպառնում է ողջ տարածաշրջանի անվտանգությանը։
Սրա հետ կապված՝ նա կոչ է արել մերձավորարևելյան տարածաշրջան զենք մատակարարող պետություններին դադարեցնել անել դա։ «Զենքի մատակարարումը միայն սրացնում է իրադրությունը։ Ես կոչ եմ անում բոլորին արգելք դնել բռնությունների վրա և քաղաքական կարգավորում փնտրել։ Սա ճգնաժամից ելք գտնելու միակ ուղին է»,-ընդգծել է Բան կի Մունը։