The Budapest Times. Օմբուդսմենը կրկին պահանջում է Ռամիլ Սաֆարովի արտահանձնմանը վերաբերող փաստաթղթերը

Հայազգի զինվորին սպանած դատապարտյալ մարդասպանին Ադրբեջան ատահանձնելու որոշումը ճիշտ էր. երկուշաբթի խորհրդարանում հայտնել է վարչապետ Վիկտոր Օրբանը։ Ռամիլ Սաֆարովի արտահանձնումը միջազգային դիվանագիտական միջադեպ առաջացրեց օգոստոսի վերջին և ստիպեց Հայաստանին խզել դիվանագիտական հարաբերությունները Հունգարիայի հետ։

Սաֆարովը 30-ամյա ազատազրկում էր կրում այն բանի համար, որ կացնահարել էր քնած հայազգի զինվորին, որը 2004 թվականին Բուդապեշտում մասնակցում էր անգլերենի դասընթացների։

Օրբանը կրկնել է կառավարության դիրքորոշումն այն մասին, որ այն գործել է միջազգային իրավունքի համաձայն։ «Մենք նույնը կանեինք, եթե հայը սպաներ ադրբեջանցու։ Հունգարիան պետք է հետապնդի իր, ոչ թե Հայաստանի կամ Ադրբեջանի շահերը»,-ասել է նա և մեկ անգամ ևս հերքել, որ Բաքվի հետ որևէ անդրկուլիսյան գործարք է եղել։

Միևնույն ժամանակ Հունգարիայի հիմնական իրավունքների օմբուդսմեն Մատե Սաբոն երեքշաբթի ասել է, որ Արդարադատության նախարարությունը 15-օրյա ժամկետում չի պատասխանել Սաֆարովի արտահանձնմանը վերաբերող տեղեկություններ տրամադրելու պահանջին։ Նախարարությունը պատասխանել է, որ արդարադատության նախարարը հստակորեն պատասխանել է Մատե Սաբոյի՝ սեպտեմբերի 19-ի նամակին՝ խնդրելով նրան այդ փաստթղթերի համար պաշտոնական հարցում կատարել։ Սաբոն իր նամակում նշել է, որ հունգարական իրավունքն արգելում է դատապարտված հանցագործի արտահանձնումն առանց երաշխիքների, և որ նա կկրի իր պատժի մնացած մասն այլ երկրում։