Հրաչյա Սարգսյանը չի ցանկանում «թարսվել» Սամվել Ալեքսանյանի հետ

Երեւանի քաղաքապետ Հրաչյա Սարգսյանն այսօր՝ հունիսի 3-ին, լրագրողների հետ զրույցում անդրադարձավ հայտնի գործարար Սամվել Ալեքսանյանի կռուցած տունն օրինականացնելու խնդրին: Հարցին, թե չե՞ք ցանկանում անօրինական տունն օրինականացնել` քաղաքապետը պատասխանեց. «Ցանկանալ-չցանկանալով չի, կա ՀՀ օրենսդրություն, կառավարության որոշում ու առաջնորդվում ենք դրանցով: Եթե համապատասխանում է, անկախ անձից՝ օրինականացնում ենք»:

Սա այն դեպքն է, երբ Հրաչյա Սարգսյանը փորձել է արդարանալ հայտնի գործարարի գործերը առաջ բրդելու համար, սակայն, եթե այս դեպքում Սարգսյանի հետ չես վիճի՝ Ալեքսանյանը իսկապես շահել է դատը, ապա մնացած դեպքերում սամվել Ալեքսանյանին և նրա ընտանիքին պատկանող շինությունների օրինականացումը կատարվել է այսպես ասած՝ քաղաքապետարանի բարի կամքով և համաձայնությամբ:

Դիցուք՝  բոլորս էլ քաջ հիշում ենք, թե ինչպիսի աղմուկ էր բարձրացրել քաղաքապետարանը Օպերայի հարակից տարածքի սրճարանների ապամոնտաժման ժամանակ: Այդ ընթացքում ապամոնտաժվեց նաև Ալեքսանյանին պատկանող սրճարանը: Այն գտնվում էր նախագծով կանաչապատման ենթակա տարածքում, ուստի սրճարանի ապամոնտաժումը եղել է ոչ այլ ինչ, քան քաղաքապետարանի ծրագրի իրականացում: Սակայն մեկ նրբություն չէր վրիպել հանրության ուշադրությունից: Ապամոնտաժված սրճարանների հարևանությամբ գտնվող, բայց չփակված մի սրճարանի անուն ևս կապվում է Սամվել Ալեքսանյանի և նրա մերձավորների անվան հետ:

Մյուս կողմից էլ նույն Երևանի քաղաքապետարանը  օրինական է ճանաչել Շողերինա Մկրտչյանին պատկանող մեկ այլ ինքնակամ կառույց: Օհանովի 15 հասցեում գտնվող այս շինությունը նրանց պատկանող ցանցի սուպերմարկետներից է: Օրինականացման դիմաց սեփականատերը քաղաքապետարանին պարտավորվել է վճարել 22 միլիոն դրամ:

Ինչպես երևում է` քաղաքապետարանը մշտապես էլ լավ աչքով է նայել Սամվել Ալեքսանյանի բիզնեսներին և այդ գործելաոճը շարունակվել է նաև նոր քաղաքապետի օրոք: Այսպես՝ Երևանի քաղաքապետարանը դեկտեմբերի 28-ի նիստում նվիրաբերություն ընդունելու մասին որոշում ընդունեց. Երևան քաղաքին նվիրաբերվեց 75 հատ քարե նստարան, 135 աղբաման և 60 հատ մոխրաման, որոնք տեղադրվել են Երևան քաղաքի Սարյան պուրակում, Օղակաձև զբոսայգում, Վարդան Մամիկոնյանի հուշարձանի շրջակայքում: Նվիրաբերողն էլ Սամվել Ալեքսանյանին պատկանող «Ալեքս էնդ հոլդինգ» և «Նոյ ինվեստ գրուպ» ընկերություններն էին: Հիշելով հայտնի Կամազների պատմությունը` ակամայից ինքդ քեզ հարց ես տալիս՝ իսկ ինչի՞ դիմաց է այս անգամ Ալեքսանյանն այսչափ առատաձեռն գտնվել և ինչ փոխադարձ նվերով է հանդես եկել քաղաքապետ Հրաչյա Սարգսյանը...

Այս թեմայով Վեհափառը պարգևատրեց Սամվել Կարապետյանին, Վաչե Մանուկյանին, Նուբար Աֆեյանին և այլ բարերարների. (տեսանյութ) Մայր Տաճարի նորոգման հիմնական բարերար Սամվել Կարապետյանը ժամանեց վերաօծման արարողությանը. (տեսանյութ) Ոչ մի բանի չեմ պատասխանում. Սամվել Ալեքսանյան «Ամեն ինչի մասին խոսում են»․ Սամվել Կարապետյանը՝ իշխանության կողմից ՀԷՑ–ը խլելու խոսակցությունների մասին․ News.am Ովքե՞ր են մեղավոր 44-օրյա պատերազմի համար. Սամվել Շահրամանյանը պատասխան ունի (տեսանյութ)