ՔՊ-ականների կանանց և ամուսինների ունեցվածքը. ինչպես է փոխվել նրանց կյանքը 2018-ից հետո

Բարձրաստիճան պաշտոնատար անձանց էթիկայի հանձնաժողովը, բացի պաշտոնյաների հայտարարագրած դրամական միջոցներից, հրապարակել է նաև փոխկապակցված անձանց, այսինքն` նրանց ամուսինների և զավակների դրամական միջոցները: Գաղտնիք չէ, որ նախկինում պաշտոնյաների մի ստվար զանգված իրենց պաշտոնավարման ընթացքում ունեցած ձեռքբերումները վերագրում էին կանանց, ծնողներին, այլ ազգականների և ձևակերպում նրանց անուններով: Այս հարցին անդրադարձել է անգամ ընդդիմադիր Նիկոլ Փաշինյանը` տարակուսանք հայտնելով, որ շատ պաշտոնյաների կանայք իրենց ամուսիններից ավելի հարուստ են, «տանը նստած հաջողակ բիզնեսմեններ են» և ըննդիմադիր Փաշինյանը այստեղ կոռուպցիոն ռիսկեր էր տեսնում` պնդելով, որ այդ պաշտոնյաները պարզապես ապօրինի ստացած գումարները, գույքը գրանցում են իրենց կանանց և երեխաների անունով: Այդ ռիսկերը, սակայն, չի տեսնում վարչապետ Փաշինյանը, չնայած այն հանգամանքին, որ դրանք կան: Իր հեղափոխական թիմում էլ բազմաթիվ են տարբեր կալիբրի չինովնիկներ, որոնց կանայք իրենցից հարուստ են:

ՔՊ-ական պատգամավոր Միքայել Թումասյանի կինը` Տատյանա Մալկովան, հայտարարագրել է 90.000 ԱՄՆ դոլարի եկամուտ: 

Ինքը՝ Թումասյանը, հայտարարագրել է, ընդամենը, 835,682.00 ՀՀ դրամի եկամուտ՝ աշխատավարձից գոյացած:  

Արսեն Թորոսյանի կինը՝ Վարդանուշ Թևանյանը, հայտարարագրել է 7,800,000.00 դրամ արժողությամբ BMW 535 ավտոմեքենան, որը ձեռք է բերվել հարկային տարում, ինչպես նաև 30,000.00 ԱՄՆ դոլար և 1,950,000.00 ՀՀ դրամ:

«Իմ Քայլը»-ի  պատգամավոր Հայկ Կոնջորյանը նույնպես անչափ համեստ հայտարարագիր է ներկայացրել:

Պատգամավորի կնոջ՝ Շուշան Ալեքսանյանի ֆինանսական դրությունը անհամեմատ ավելի բարվոք է՝ 8,220,000.00 ՀՀ դրամ, որից 2,500,000.00 ՀՀ դրամը նշված է իբրև փոխառություն: 2018-ին Ալեքսանյանը հայտարարագրել էր ընդամենը 1 միլիոն դրամի եկամուտ:

Պետեկամուտների կոմիտեի նախագահի տեղակալ Արտյոմ Սմբատյանի հաշվապահ զոքանչի՝ Կարինե Համբարյանի նյութական վիճակը վերջին տարիներին զգալիորեն բարելավվել է։ 2019-ի մայիսին Համբարյանը առքուվաճառքի պայմանագիր է կնքել Ռուբեն և Մարիամ Մանուկյանների հետ ու ձեռք բերել իր այդ առանձնատան հարևանությամբ գտնվող մեկ այլ առանձնատուն՝ 120 քմ մակերեսով, որն ունի նաև 17 քմ մակերեսով ավտոտնակ, պարիսպ։ Այս ամենը Համբարյանը գնել է 14 միլիոն դրամով։ Եթե չհաշվենք ավտոտնակը, միայն բնակելի տան 1 քմ-ի վաճառքի արժեքը կազմել է 116 000 դրամ։ 2020-ի հուլիսին ՊԵԿ նախագահի տեղակալի զոքանչը դստեր՝ Մերի Մկրտչյանի հետ կառուցապատողից բնակարան է ձեռք բերել Ծիծեռնակաբերդի խճուղի 13 հասցեում։ Այստեղ «Սահակյանշին» ընկերությունը կառուցում է «Պանորամա Դալմա» համալիրը, որը ներառում է հինգ շենք, այգի, հասարակական տարածքներ, ավտոկայանատեղի։ Համբարյանին ու դստերը այստեղ պատկանող բնակարանը 62 քմ է։ Այն արժեցել է 25,8 միլիոն դրամ։ 

ՊԵԿ նախագահ Ռուստամ Բադասյանի կինը ՝ Տաթևիկ Սարգսյանը, 2021 թվականին 10,544,000.00 դրամով ձեռք է բերել TOYOTA RAV 4 2.0 մակնիշի ավտոմեքենա: Նա նաև հայտարարագրել է 6,800.00 դոլարի ավանդ, 1,550.00 բիթքոյին, 

Տավուշի մարզպետ Հայկ Ղալումյանի կինը որպես նվիրատվություն է ստացել 1,760,550.00 դրամ, 370,000.00 և 160,000.00 ռուսական ռուբլի: Վերջինս նաև երկու հողամաս է գնել, սակայն գնման տարիները հայտնի չեն: 

Հայկ Կոնջորյանի կինը` Կարինե  Ազարյանը, 2021-ին 4,315,200.00 դրամով ձեռք է բերել HYUNDAI VELOSTER 1.6 մակնիշի ավտոմեքենա: 

Պատգամավոր Դավիթ Դանիելյանի կինը՝ Անի Անտոնյանը,  հայտարարագրել է 10,000.00 դոլարի չափով կանխիկ գումար, մի դեպքում, երբ աշխատավարձից ստացված եկամուտները կազմում են  1,800,000.00 դրամ: