Սամվել Ալեքսանյանին «պատժո՞ւմ» են Փաշինյանի ընտանեկան հիմնադրամին «չմուծվելու» համար

Երեկ կառավարության նիստից անմիջապես հետո ուշագրավ բացահայտմամբ հանդես եկավ ՄՊՀ ղեկավար Գեղամ Գևորգյանը: Նա, մասնավորապես, հայտարարեց, որ կարագի շուկայում գերիշխող դիրք է զբաղեցնում «Ալեքս հոլդինգը»: Ում համար է սա բացահայտում՝ դժվար է ասել, քանի որ «Ալեքս հոլդինգը» գերիշխող դիրք զբաղեցնում էր թե մինչև հեղափոխությունը, թե հեղափոխությունից հետո: Այլ բան է, թե ինչու են իշխանությունները այսօր հրապարակային այդ մասին հիշում` կարծես հանդիմանելով գործարար Սամվել Ալեքսանյանին կամ որոշակի մեսիջ հղելով նրան:

Իսկ մեսիջը կարող  է կապված լինել այն հանգամանքի հետ, որ 2021-ի համեմատ այս տարի օլիգարխը զգալիորեն պասիվացել է Նիկոլ Փաշինյանի ընտանեկան հիմնադրամի առջև իր քսակը բանալու հարցում: Մամուլը հատուկ ուշադրություն էր հրավիրել այն հանգամանքի վրա, որ ոչ միայն Սամվել Ալեքսանյանը, այլ ընդհանրապես նախկինում նվիրատվություն անելու հարցում բավական ակտիվ գործարարներն ու օլիգարխները, կարծես թե, մոռացել են «Իմ քայլը» հիմնադրամի մասին; Իսկ արդյո՞ք ՄՊՀ վերջին բացահայտումը, որը իրականում ոչ մեկի համար բացահայտում չէ, այլ գոյություն ունեցող փաստի բարձրաձայնում, հիշեցում չէ Սամվել Ալեքսանյանին, որ եկել է այսպես ասած` քսակը բանալու ժամանակը:

Սամվել Ալեքսանյանի մեծահոգությունը Փաշինյանի հիմնադրամի և ընդհանրապես նվիրատվությունների հանդեպ բավական ուշագրավ օրինաչափություն ունի: Հեղափոխությունից անմիջապես հետո, երբ նրան երեկվա պես հիշեցրին շաքարավազի շուկայում առկա գերիշխող դիրքի մասին, նա կլորիկ գումար  նվիրաբերեց «Իմ քայլը» հիմնադրամին, երբ «Ալեքս Տեքստիլին» զրկեցին կառավարության կողմից տրամադրվող արտոնությունից՝ Ալեքսանյանը ճոխ նվերներ արեց Երևան համայնքին: Հետաքրքիր է` ի՞նչ է այս անգամ առաջարկելու օլիրգախն իշխանություններին և անձամբ Նիկոլ Փաշինյանին...

Այս թեմայով Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան Վեհափառը պարգևատրեց Սամվել Կարապետյանին, Վաչե Մանուկյանին, Նուբար Աֆեյանին և այլ բարերարների. (տեսանյութ) Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան Մայր Տաճարի նորոգման հիմնական բարերար Սամվել Կարապետյանը ժամանեց վերաօծման արարողությանը. (տեսանյութ)