ՔՊ համայնքապետերի թեկնածուների ուշագրավ կապերն ու ֆեյսբուքյան գրառումները

Սեպտեմբերին կայանալիք ՏԻՄ ընտրություններից առաջ իշխանականները կրկին ակտիվ բանակցում են նախկին «տասովշչիկների» հետ, ակնկալում են նրանց օգնությունը, որ նախորդ աշնանը կայացած ՏԻՄ ընտրությունների պես խոշոր հաշվով չպարտվեն ընդդիմադիրներին։ Դիցուք՝ Ալագյազում ՔՊ թեկնածուն Անզոր Ուռուսյանը ՀՀԿ-ական նախկին մարզպետ Սարգիս Սահակյանի մտերիմներից է, դեռեւս  նախորդ՝ 2017-ի ընտրություններին Ուռուսյանն առաջադրվել էր, ունեցել էր Սահակյանների աջակցությունը, սակայն պարտվել էր անկուսակցական Ջամս Մախմուդովին։ Այս անգամ նա ոչ միայն Սահակյանների, այլեւ իշխանական պատգամավոր՝ ապարանցի Մաթեւոս Ասատրյանի աջակցությունն ունի։ Ինչպես տեսնում ենք` այս անգամ էլ ՔՊ հույսը Սահակյանների ընտանիքն է, կամ այսպես ասած՝ նախկինները:

Բյուրեղավանում էլ մեկ այլ կոլորիտային դեմք է ՔՊ համայնքապետի թեկնածուն՝ Վլադիմիր Վարդևանյանը, ում Ֆեյսբուքյան էջի ուսումնասիրությունը բավական հետաքրքիր եզրահանգումների տեղիք է տալիս: Նախ և առաջ, ինչպես երևում է իր և իր ազգականների գրառումներից, նրանք Բյուրեղավանում սեփական բիզնեսը ունեն:

Վարդևանյանի էջում նաև հաճախ կարելի է հանդիպել Կոտայքի նախկին մարզպետ Ռոմանոս Պետրոսյանի էջից կիսված նյութերի, իսկ դա ստիպում է մտածել, որ համայնքապետի թեկնածուի պրոտեժեն գուցե և հենց ինքը Պետրոսյանն է:

Վերջինիս էջը լի է նաև նախկին նախագահներին այս կամ այն հանցագործության մեջ մեղադրող գրառումներով:

Վերջինիս ազգականը՝ ազգանունները ամեն դեպքում համընկնում են, հակառուսական հայտարարություններ է անում համայնքապետի թեկնածուի գրառումների տակ: Դիցուք խոսելով ընդդիմադիրների ցույցերի մասին` նա գրում է.

Ինքը` Վարդևանյանը, կարծես թե, նույնպես կիսում է այս տեսակետը.

Վարդևանյանը չի զլանում նաև կիսվել ՔՊ-ական հայտնի ֆեյքերից մեկի գրառումներով