Թագավորական ընտանիքը մեկնաբանել է տեսանյութը, որում արքայազն Ուիլյամը բղավում է իր ընտանիքին հետապնդող լուսանկարչի վրա (լուսանկար, տեսանյութ)

Քենսինգթոնյան պալատն արձագանքել է տեսագրությանը, որտեղ արքայազն Ուիլյամը բղավում է լուսանկարչի վրա իր ընտանիքի անդամներին լուսանկարելու համար, երբ նրանք հեծանվով անցնում էին Սանդրինգհեմի իրենց Անմեր Հոլլ տան մոտ: Պալատը հայտարարել է, որ դա ընտանիքի գաղտնիության խախտում է:

The Telegraph-ը նաև հայտնել է, որ պալատի աշխատակիցները պահանջել են հեռացնել տեսանյութը կայքերից: YouTube-ում վերբեռնված բնօրինակ տեսանյութն այլևս հասանելի չէ, բայց դրանից հետո այն նաև տեղադրվել է Twitter-ում, Instagram-ում և TikTok-ում: Հաղորդվում է, որ թագավորական ընտանիքի աշխատակիցներն փորձում են տեսանյութը հեռացնել բոլոր հարթակներից:

Տեսահոլովակը նկարահանվել է դեռևս 2021 թվականի հունվարին, սակայն համացանցում հայտնվել է միայն այս շաբաթ և անմիջապես տարածվել։

Արքայազն Ուիլյամի արձագանքը բացատրվում է նրա ընտանիքի փորձով։ Դպրոցական տարիքում նա ականատես է եղել, թե ինչպես են պապարացիները հետապնդում մորը՝ արքայադուստր Դիանային։ Այդ ամենն, ի վերջո, ողբերգական ավարտ ունեցավ։ Դիանան մահացավ ավտովթարից՝ թաքնվելով լրագրողներից:

Թագավորական ընտանիքը հազվադեպ է հայտարարություններ անում ընտանիքի անդամների հետ կապված ասեկոսեների կամ անձնական կյանքի մանրամասների մասին։ Վերջին անգամ նրանք նման մեկնաբանություն են արել մի քանի տարի առաջ, երբ հայտարարություն տարածեցվեց մասին, որ Քեյթ Միդլթոնը բոտոքս է օգտագործում։