ՔՊ-ական որ պատգամավորներին կարող է սպառնալ «մանդատազրկման» վտանգը

Տևական ժամանակ է, ինչ մամուլում և համացանցում լուրեր են շրջանառվում այն մասին, որ մի շարք ընդդիմադիր պատգամավորներ զրկվելու են իրենց մանդատներից, քանի որ վերջիններս  բացակայել Ազգային ժողովի նիստերից, աշխատանքներից: Յուրաքանչյուր պատգամավորի բացակայությունների վերաբերյալ հարցը քննարկվում է առանձին: Քննարկման ընթացքում պատգամավորը կամ նրա լիազորած այլ պատգամավոր կարող են ելույթ ունենալ, պատասխանել հարցերին, հանդես գալ եզրափակիչ խոսքով: Սակայն, սա այն դեպքն է, երբ ՔՊ-ն ակնհայտորեն սեփական աչքի գերանը չնկատելու է տալիս, այն պարզ պատճառով, որ իրենց շարքերում էլ աշխատանքից բացակայելու հանդեպ մեծ սեր ունեցող պատգամավորների պակաս, կարծես թե, չի զգացվում:

Դիցուք՝ ՔՊ-ական Էդուարդ Աղաջանյանը բացակայել է 91 անգամ:

Սիսակ Գաբրիելյանը՝ 66:

Մերի Գալստյանը՝ 104 անգամ:

Դավիթ Դանիելյանը նիստերից բացակայել է 80 անգամ:

Սարգիս Խանդանյանը բացակայել է 84:

Քրիստինե Պողոսյանի բացահակությունների թիվը կազմում է 70:

Ծովինար Վարդանյանինը, ով, ի դեպ, ընդդիմադիր պատգամավորներին պաշտոնանկ անելու նախագծի զեկուցողներից մեկն է՝ 75:

Նախորդ գումարման ԱԺ-ում`

Սոս Ավետիսյանը բացակայել էր 132 անգամ, սակայն, դա չխանգարեց նրան դեսպանի պաշտոն ստանալ:

Ռուստամ Բաքոյանը բացակայել էր 220 անգամ:

Անուշ Բեղլոյանը 163 անգամ:

Սիսակ Գաբրիելյանը 249 անգամ:

Մերի Գալստյանը՝ 276:

Տաթևիկ Գասպարյանը՝ 259:

Գրիգորյան Հռիփսիմեն 187:

Արմեն Խաչատրյանը 184:

Արեն Մկրտչյանը՝ 211:

Լենա Նազարյանը 290:

Քրիստինե Պողոսյանը 343:

Արուսյակ Ջուլհակյանը 289:

Արդյո՞ք այս բոլոր պատգամավորների բացակայությունները հարգելի են, եթե ոչ, ապա ՔՊ-ն պետք է արդարության և օրենքի տառի վերականգնումն սկսի հենց իրենից և այսչափ բացակայություններ ունեցած ՔՊ-ական պատգամավորների՝ մանդատից զրկելու հարցը նույնպես պետք է քննարկվի: Հակառակ դեպքում` իշխանությունները կասկածի տակ են դնելու իրենց սկզբունքայնության իրական մոտիվացիան: