35 միլիոնով բնակարան գնած Վահե Ղալումյանը հարկատուների հաշվին վարձո՞վ է ապրում

Ազգային ժողովի ՔՊ-ական պատգամավոր, Նիկոլ Փաշինյանի քավոր Հայկ Ղալումյանի եղբայր՝ Վահե Ղալումյանը, նախորդ տարի բնակարան է ձեռք բերել Երևանի Արաբկիր վարչական շրջանում: Այդ մասին է վկայում պատգամավորի՝ 2021 թվականի հայտարարագիրը:

Այս ձեռքբերումը այդքան ուշագրավ չէր լինի, եթե չլիներ մեկ բայց: Բանն այն Է, որ ՀՀ Ազգային ժողովի 8-րդ գումարման 10 պատգամավոր 2021-ին դիմել էր բնակարանի վարձի փոխհատուցման գումար ստանալու համար։ Այդ պատգամավորների թվում էր նաև Վահե Ղալումյանը: Այսինքն, ստացվում է` պատգամավորը բնակարան գնելու գումար ուներ, սակայն, մինչ այդ գնումը վարձով ապրելու համար 150 հազար դրամ չէր կարող հայթայթել: Իսկ սա նշանակում է, որ Վահե Ղալումյանը վատնել է բյուջեի գումարները, քանի որ, ունենալով բնակարան գնելու համար նախատեսված գումար, միևնույն է` նախընտրել է ապրել հարկատուների հաշվին: Իսկ գուցե նաև ապրում է մինչ օրս՝ անգամ ունենալով նոր գնած բնակարան, քանի որ որևէ ինֆորմացիա չկա, որ ՔՊ-ական պատգամավորn ինքնակամ հրաժարվել է բնակարանի վարձի փոխհատուցման գումարից...