Հրաչյա Սարգսյանը հայտնվել է իր իսկ պոպուլիզմի «ծուղակում»
Վերլուծական
Երևանի քաղաքապետ ընտրվելիս Հրաչյա Սարգսյանը, թերևս ցանկանալով արդարացնել իր թեկնածության վրա կանգ առնելը հայտարարեց, որ Հայկ Մարությանի ղեկավարման տարիներին կարևորագույն ռեֆորմներից մեկը` տրանսպորտային ցանցի բարեփոխումը իր ղեկավարությամբ է իրականացվել և ընդհանրապես` Մարությանի նոու-հաուն համարվող այդ պրոյեկտի կուռատորը ու քավորը հենց ինքն է եղել։ Սարգսյանը նաև նշել էր, որ այժմ ունենալով ավելի լայն լծակներ շատ կարճ ժամանակում տրամաբանական ավարտին է հասցնելու սկսածը ի շահ երևանցիների։
Ժամանակը անցնում է, սակայն, երևանցիների աչքը վերը նշված բարեփոխման տրամաբանական ավարտին և ահավասիկ` սեփական շահին սպասելիս ջուր է կտրել։ Ավագանու գրեթե յուրաքանչյուր նիստի ժամանակ քաղաքապետ Սարգսյանը բողոքում է, որ տրանսպորտային ցանցի բարեփոխման գործընթացում թերություններ են ի հայտ եկել, գործը առաջ չի գնում։ Այդ թերությունները բնականաբար նկատում են նաև երևանցիները, հատկապես առավոտը վաղը և ուշ երեկոյան հանրային տրանսպորտին ժամերով սպասող քաղաքացիները։ Ավելին, պարզվել է բարեփոխումը մի բան էլ թալանի է վերածվել, ավագանու անդամներից մեկը բողոքում էր որ, վարորդները գրպանում են ուղեվարձը, վերցնում քաղաքացիներից` այլ ոչ թե պահանջում նետել 100 դրամանոց մետաղադրամը համապատասխան սարքի մեջ։
Պարզվում է բարեփոխումը բնավ էլ բարեփոխում չէր, այլ դրա իմիտացիան և այժմ, երբ այդ հանգամանքը ջրի երես է դուրս եկել, Հրաչյա Սարգսյանը որոշել է հրաժարվել իր հուժկու ձեռքբերումներից և մեղավորներ կարգել տարբեր կառույցների, վարչությունների ղեկավարների։ Հարց է առաջանում, եթե ի սկզբանե այդ պատմական և աննախադեպ, հաջողված պրոյեկտների հեղինակը և կուռատորը եղել է Հրաչյա Սարգսյանը, ապա ինչպես է այդքան թերություն արդյունքում ջրի երես դուրս եկել, արդյոք այսօր քաղաքապետը չի հայտնվել իր ընտրվելու օրը հնչեցրած պոպուլիստական հայտարարության ծուղակում...։
ՈՒՂԻՂ ԵԹԵՐ
Ամենադիտված 
Գագիկ Ծառուկյանից կբռնագանձվի 75 անշարժ գույք, 42 ավտոմեքենա, 105 միլիարդ 865 միլիոն 865 հազար դրամ
