Ֆիզիկայի ոլորտում Նոբելյան մրցանակակիրները

Նոբելյան երկու մրցանակակիրներն էլ աշխատում են քվանտային օպտիկայի ոլորտում և հետազոտում են լույսի և մատերիայի միջև փոխազդեցությունը. հայտնում է ИТАР-ТАСС-ը։ Նրանք «փորձնական քվանտային ֆիզիկայի նոր ժամանակաշրջանի դուռ են բացել»,-կարծում է Նոբելյան հանձնաժողովը։

Երբ Սերժ Արոշին զանգահարեցին գիտությունների թագավորական ակադեմիայի մամլո ասուլիսից և հայտնեցին մրցանակի մասին, նա գտնվում էր Փարիզում և հենց այդ պահին անցնում էր նստարանի կողքով։ Հեռախոսի էկրանին տեսնելով շվեդական համար՝ նա նստեց դրա վրա։ «Դա դժվար է գիտակցել։ Ինձ դա հայտնել են 40 րոպե առաջ։ Դա անհավատալի է։ Սկզբից ես զանգահարեցի իմ երեխաներին, այնուհետև մտերիմ գործընկերներիս, առանց որոնց ես չէի արժանանա այս մրցանակին»։

Ֆրանսիացի Սերժ Արոշը և ամերիկացի Դեվիդ Վայնլենդն այսօր դարձել են Նոբելյան մրցանակի դափնեկիրներ։ Նրանք տարիքակիցներ են՝ 68 տարեկան։ Արոշը պրոֆեսոր է «College de France»-ում և «Ecole Normale Superieure»-ում, Փարիզում։

Վայնլենդ աշխատում է չափանիշների և տեխնոլոգիաների ազգային ինստիտուտում, ինչպես նաև Բոուդերում՝ Կոլորադոյի համալսարանում։