Նիկոլ Փաշինյանին մոլորեցնո՞ւմ են

Նիկոլ Փաշինյանը լինելով ընդդիմադիր պատգամավոր հաճախ էր Սերժ Սարգսյանին դիմելուց հայտարարում, որ վերջինիս մոլորեցնում են, սխալ են զեկուցում և նա չի տիրապետում իրավիճակին: Անցան տարիներ, այսօր վարչապետի աթոռին նստած է արդեն ինքը Փաշինյանը, սակայն, ինչպես երևում է իր ենթակաները Սերժ Սարգսյանի ենթականերից ոչնչով այս առումով չեն տարբերվում:

Դիցուք՝ Արթիկ խոշորացված համայնքի Սարատակ գյուղում կառավարության հետ համատեղ իրականացվող սուբվենցիոն ծրագրի շրջանակում վերանորոգվել է նախկին գյուղապետ Միշա Ղզրոյանի տան դիմացի թիվ 4 փողոցը, որը, սակայն, ընդգրկված չի եղել փողոցաշինական ծրագրում։Ավելին, կառավարությանը զեկուցվել է, որ սուբվենցիոն ծրագիրը տեղը տեղին կատարված է․ պատշաճորեն վերանորոգված է ծրագրում ընդգրկված թիվ 5 փողոցը։ Մինչդեռ թիվ 5 փողոցի բնակիչներն ահազանգում են, որ այն քարուքանդ վիճակում է, Մինչդեռ պետական բյուջեից 790 մլն դրամ է հատկացվել 20-21 թվականների 29 ծրագրի համար։

Իր հերթին Շիրակի մարզպետ Նազելի Բաղդասարյանն էլ հայտարարում է, որ սա 2021 թվականի սուբվենցիոն ծրագիր է և ինքը ըստ էության տեղի ունեցածի հետ որևէ կապ չունի: Բնականաբար բյուջեից դուրս էր գրվել բավական կլորիկ գումար, որը ինչպես հասկանում ենք նպատակային չի ծախսվել, իսկ ահա թե ուր է այդ գումարը պետք է պարզի արդեն գործող մարզպետը, սակայն, նա այս հարցում ևս շտապողականություն չի դրսևորում: Ստացվում է նրա քթի տակ կոռուպցիոն բացահայտ պրոցեսներ են ընթանում, բյուջեից գումարներ են դուրս գրվում և անհետանում, իսկ մարզպետը ոչինչ չի անում պարզելու համար թե հարկատուների գրպանի հաշվին ովքեր են հարստացել: Այսինքն, նախկին մարզպետ Հովհաննես Հարությունյանը չի նկատել որ նման երևույթներ են տեղի ունենում իր ղեկավարած մարզում և չի զեկուցել այդ մասին տարածքային կառավարման նախարարին և վարչապետին, իսկ գործող մարզպետը որոշել է այդ մասին խոսել միայն հանրային մեծ աղմուկից հետո, երբ կեղծիքը արդեն իսկ ջրի երես  է դուրս եկել...

Այսքանից հետո հարց  է առաջանում, իսկ գուցե Նիկոլ Փաշինյանին էլ են խաբում և մոլորեցնում և նա նույնպես՞ չի տիրապետում իրավիճակին. ինչում ժամանակին հանդիմանում էր Սերժ Սարգսյանին...

Այս թեմայով Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան Նիկոլ Փաշինյանն ու Աննա Հակոբյանը թիկնապահների ուղեկցությամբ մտան Մայր Տաճար. (տեսանյութ) Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան