Կանադացի սպան խոստովանել է Ռուսաստանի համար կատարած լրտեսությունը

Ինչպես հայնում է Lenta.ru-ն, նախնական լսման ժամանակ Ջեֆրի Պոլ Դելայլը հայտարարել է, որ ամսեկան երեք հազար դոլոր է ստացել Ռուսաստանին գաղտնի տեղեկություններ փոխանցելու համար։ Նա նաև պատմել է, որ 2007 թվականին կամավոր ձևով եկել է Կանադայում Ռուսաստանի դեսպանատուն և առաջարկել իր ծառայությունները։ Դելայլը այս օրն անվանել է «մասնագիտական ինքնասպանություն»։

Ավելի վաղ՝ հոկտեմբերի 10-ին, սպան իրեն մեղավոր էր ճանաչել վստահության չարաշահման և անօրինական կերպով այլ պետությանը տեղեկություն փոխանցելու մեջ։

Դելայլը ձերբակալվել էր ընթացիկ տարվա հունվարին՝ տեղեկության անվտանգության մասին օրենքի համաձայն։ Սպայի ձերբալակությունից հետո ԶԼՄ-ները ենթադրում էին, որ տեղեկություններ ստացող կողմը Ռուսաստանն է եղել։ Կանադացու գործով վճիռը կկայացվի 2013 թվականի հունվարի 10-11-ը։ Նրան սպառնում է ցմահ բանտարկություն։