Պակիստանի իշխանությունները 105 հազար դոլար են խոստացել աղջկա վրա կրակած թալիբներին բռնելու համար

Պակիստանի իշխանությունները 105 հազար դոլար են խոստացել տեղեկությունների համար, որոնք կօգնեն գտնել թալիբներին, որոնք փորձել էին սպանել 14-ամյա իրավապաշտպան Մալալա Յուսաֆզային. հայտնում է Корреспондент.net-ը։

Տուժածը գտնվում է Փեշավարի ռազմական հոսպիտալում՝ ճգնաժամային վիճակում։ Երեկ՝ հոկտեմբերի 10-ին, վիրահատության օգնությամբ հեռացվել էին երկու փամփուշտները, սակայն նա դեռ գիտակցության չի եկել։

Հիշեցնենք, որ մահափորձը տեղի է ունեցել այն ժամանակ, երբ Յուսաֆզայը վերադառնալիս է եղել դպրոցից։

Պակիստանում թալիբան շարժման մամլո ծառայության ղեկավար Էհսանուլլա Էհսանը հաստատել է, որ հենց թալիբներն են կազմակերպել մահափորձը։ Պակիստանի վարչապետը կոչ է արել դատապարտել թալիբներին ու պայքարել «նման մտածելակերպի դեմ»։ Պակիստանում տեղի են ունեցել ցույցեր՝ պահանջով պատժել մեղավորներին։

.