Ինչպես այցելել Շուշի կամ Ադրբեջանն իր քաղաքացիներին վախեցնում է հայկական արբանյակո՞վ

Ադրբեջանի կողմից 2020 թ. օկուպացված Արցախի Շուշի քաղաք այցելությունների վերաբերյալ այդ երկրի գլխավոր  դատախազությունը հատուկ պարզաբանող տեսահոլովակ է պատրաստել և տարածել:

Ինչպես հաղորդում է ԱՊԱ գործակալությունը, դատախազության մամուլի ծառայության պատրաստած տեսանյութում ներկայացված են այն կանոնները, որոնց պետք է հետևեն Ղարաբաղ (հայկական բռնազավթված տարածքներ - խմբ.) և հատկապես Շուշի այցելել ցանկացող մարդիկ:

Տեսահոլովակում խոսվում է, այսպես կոչված, հնարավոր սադրանքի մասին, թե կարող են լինել մարդիկ, որոնք չարաշահեն զբոսաշրջիկների բարի ցանկությունը: Հարց է ծագում, ռուս խաղաղապահներով շրջապատված Շուշիի մերձակայքում ովքե՞ր կան, որ պիտի սպառնան այցելուների անվտանգությանն ու կյանքին: Դավադրության տեսության ինչպիսի «մաստեր կլաս»:

Թե՞ Բաքվում հակված են՝ մտածելու, որ այս տարի տիեզերք արձակված հայկական առաջին արբանյակը կարող է դառնալ այդ ամբողջ սադրանքի գլխավոր կազմակերպիչը:  Բայց այդպես կարծելու համար, ինչ խոսք, պետք է արևելյան երևակայություն և տիեզերական մտագարություն ունենալ:

Ի դեպ, ճանաչողական հոլովակի պաշտոնական տեքստում, այդուհանդերձ, երևում են, պատկերավոր ասած, ադրբեջանական պետական քարոզչամեքենայի  ականջները:

Այդ համատեքստում, կրկին հիշատակվում է Ղարաբաղի ու Շուշիի՝ իբր «պատմական ադրբեջանական հողեր» լինելու մառազմատիկ թեզը: Բացի այդ, տեղեկություն է ներկայացվել որոշ ընկերությունների մասին, որոնք կեղծ շրջագայություններ են կազմակերպում դեպի Շուշի:

Ստացվում է, Ադրբեջանի կառավարությունը վախեցնում է սեփական քաղաքացիներին՝ ստեղծելով մտացածին վտանգի կամ չարամիտների կերպար: Կամ, ինչն առավել հավանական է նրանց դեպքում, կրկին ուժի մեջ է մնում հայկական արբանյակի տարբերակը ...։

Արա Ալոյան

Այս թեմայով Եռաբլուր էր այցելել տղաներին սպանող էրդողանի գիրքը գրկա՞ծ, թե ծոցագրպանը դրած. Սևակ Հակոբյան Հայկական օրացույցի սևն ու կարմիրը․ Էրդողանը վերցրել է Փաշինյանի անձնագիրը․ Անդրանիկ Թևանյան Կառավարությունը կսահմանի երկակի կամ ռազմական նշանակության ապրանքներ չճանաչված ապրանքների ցանկը Էդգար Ղազարյանը հիշեցրել է Շուշի մեկնելիս Էրդողանի կնոջ խոսքերը հայ գերիների մասին Հայկական կողմն առաջարկել է ստորագրել խաղաղության պայմանագրի արդեն համաձայնեցված հոդվածները` մինչև Բաքվում կայանալիք COP29-ը․ Փաշինյան