Էրիկ Քլեփթոնի հավաքածուից վաճառված նկարը ռեկորդ է սահմանել

Ռոք Երաժիշտ Էրիկ Քլեփթոնի հավաքածուի նկարներից մեկը Լոնդոնում կայացած աճուրդի ընթացքում վաճառվել է 34,2 մլն ԱՄՆ դոլարով: Այս մասին հայտնել է Agence France-Presse-ը:

Նկարը պատկանում է գերմանացի նկարիչ Գերհարդ Ռիխտերի վրձնին:

Այս եղանակով «Աբստրակտ գեղանկարչություն» կտավը, որը նույն հեղինակին պատկանող երկու այլ նկարների հետ միասին 2001 թվականին, Քլեփթոնը վճարել էր 3,4 մլն ԱՄՆ դոլար, դարձել է ամենաթանկ նկարը, որը վաճառվել է հեղինակի կենդանության օրոք:

80-ամյա Ռիխտերը համարվում է ապրող նկարիչներից ամենաթանկ վճարվողը, թեև նա ինքը ժամանակակից արվեստի գները համարում է աբսուրդ:

Վերջին 5 տարիների ընթացքում նրա գործերից մի քանիսը վաճառվել է ավելի քան 10 մլն ԱՄՆ դոլարով: 67-ամյա Կլետոնն ունի արվեստի ստեղծագործությունների մեծ տեսականի:

Երաժիշտը 2011 թվականին աճուրդի ընթացքում վաճառեց իր կիթառներից 70-ը՝ 2,15 մլն ԱՄՆ դոլարով և ստացված գումարը փոխանցեց թմրամոլների ու հարբեցողների վերականգնողական կենտրոնին: Թե ինչ նպատակներով կծախսվի Ռիխտերի կտավից ստացված գումարը, չի բարձրաձայնվել: