Հրդեհ՝ Տրանսպորտի և կապի նախարարության շենքի և «Արմենիա Մարիոթ»-ի տանիքներում

Հոկտեմբերի 14-ին, ժամը 21.56-ին ահազանգ է ստացվել, որ հրդեհ է բռնկվել Երևանի Տրանսպորտի և կապի նախարարության շենքի տանիքում: ԱԻՆ–ից տեղեկացնում են, որ դեպքի վայր է մեկնել մեկ մարտական հաշվարկ:

Հրդեհը մեկուսացվել է ժամը 22.06-ին, մարվել՝ 22.18-ին: Այրվել են հրավառության արկղեր՝ 2քմ մակերեսով:

Նշենք նաև, որ ժամը 21.46-ին ահազանգ է ստացվել, որ Երևանի Ամիրյան փողոցում հրդեհ է բռնկվել:

Հրդեհի օջախը գտնվում է «Արմենիա Մարիոթ» հյուրանոցային համալիրի տանիքում: ԱԻՆ–ից տեղեկացնում են, որ դեպքի վայր է մեկնել երկու մարտական հաշվարկ և ԱԻ արձագանքման խումբը: Հրդեհը մեկուսացվել է ժամը 21.52-ին, մարվել՝ 21.58-ին: Կրկին այրվել են հրավառության արկղեր՝ 4 քմ մակերեսով: