Ֆրանց Կաֆկայի ձեռագրերը դատարանը հանձնեց Իսրայելին

Իսրայելի Ազգային գրադարանը հաղթեց ավստրալացի գրող Ֆրանց Կաֆկայի արխիվային նյութերի ու ձեռագրերի համար ընթացող հնգամյա «պատերազմում»։ Դատարանը որոշեց, որ հենց այնտեղ պետք ն պահպանվեն գրողի աշխատանքները։

2008 թվականից ի վեր թղթերը ժառանգների եւ պետության միջև դատական քաշքշուկի առարկա էին դարձել։

Մահվանից առաջ Կաֆկան իր մոտ ընկերոջը՝ Մաքս Բրոդին կտակում հանձնարարում է, որ նա վերացնի իր բոլոր ձեռագրերը։

Սակայն Բրոդը չհամարձակվեց դա անել և հրատարակեց իր ընկերոջ աշխատանքների մի մասը, ինչի շնորհիվ Ֆրանց Կաֆկան դարձավ 20-րդ դարի ամենահայտնի գրողներից մեկը։

1968 թվականին՝ մինչ մահանալը, Մաքս Բրոդը թանկարժեք արխիվները փոխանցում է իր քարտուղարուհուն՝ Էսթեր Հոֆֆին՝ խնդրելով նրան արխիվները բաժանել ըստ կատալոգների և դրանք փոխանցել Երուսաղեմի Հրեական համալսարանի գրադարանին, քաղաքային գրադարաններին կամ որևէ այլ արժանի հասարակական կազմակերպության։

Հոֆֆեն չկատարեց իր ղեկավարի ցանկությունը և ամեն ինչ պահեց իրեն։ Հավաքածուի մի մասը նրա ընտանիքը վաճառեց, բայց թղթերի մեծ մասը մնաց նրա դստրերին՝ Եվային և Ռուֆին։ Գրում է kp.ru-ն։

Դատարանում կանայք հուսահատորեն պայքարում էին ձեռագրերի համար՝ հավաստիացնելով, թե Բրոդը դրանք նվիրել է իրենց մայրիկին։