Քեմերոնը կոչ է արել Իսրայելին չհարձակվել Իրանի վրա

Մեծ Բրիտանիայի վարչապետ Դեվիդ Քեմերոնն Իսրայելին կոչ է արել խուսափել Իրանի վրա հարձակումից և սպասել իրանական իշխանություններին միջուկային զենքից հրաժարվել ստիպելու նպատակ ունեցող՝ Թեհրանի դեմ միջազգային հանրության կողմից ձեռնարկված պատժամիջոցների արդյունքներին:

Քեմերոնի խոսքերով՝ Թեհրանի միջուկային ծրագիրը կարող է վտանգ ներկայացնել, սակայն պատժամիջոցներն արդեն «աննախադեպ արդյունք են ունեցել»:

Այնուամենայնիվ, բրիտանական վարչապետը չի բացառել Իրանում միջազգային միջամտության հնարավորությունը, եթե իշխանությունները շարունակեն անտեսել միջազգային հանրության «անհանգստությունը»: