Ահաբեկչություն Եմենում. Կա 9 զոհ

Նվազագույնը ինը զինծառայող է զոհվել ուրբաթ առավոտյան ռազմաբազայում տեղի ունեցած ահաբեկչական գործողության հետևանքով. հայտնում է France Presse գործակալությունը՝ հղում կատարելով զիվորական շրջանակների աղբյուրներին:

Մահապարտ ահաբեկիչը պայթուցիկով լի մեքենայով մեծ արագությամբ անցել է մի քանի անցակետերի կողքով և պայթեցրել ինքն իրեն հետևակային բրիգադի դաշտային ճամբարի մոտ:

Իրավապահ մարմինները ողջ պատասխանատվությունը դնում են Ալ Քաիդա միջազգային ահաբեկչական խմբավորման եմենյան թևի վրա, որը հայտնի է «Ալ Քաիդան Արաբական թերակղզում» անունով: