Ամփոփելով 2011թ.՝ ՀՀ ո՞ր նախարարի աշխատանքն եք բարձր գնահատում
Հարցումներ
ԼՈՒՐԵՐ.com-ը ամփոփում է իր հերթական հարցման արդյունքները: Մեր ընթերցողներն այս անգամ հարց էինք առաջադրել` «Ամփոփելով 2011 թվականը` ՀՀ ո՞ր նախարարի աշխատանքն եք բարձր գնահատում»:
Նախարարների անունները ներկայացրել էինք այբբենական կարգով: Հարցման առաջին օրերին առաջատարի տեղը զբաղեցնում էր ՀՀ Պաշտպանության նախարար Սեյրան Օհանյանը: Նրանից հետ չէր մնում ՀՀ Արտակարգ իրավիճակների նախարար Արմեն Երիցյանը: Լավագույն եռյակը փակում էր ՀՀ Կրթության եւ գիտության նախարար Արմեն Աշոտյանը: Հարցման առաջին օրերին այսպիսին էր պատկերը, այնուհետեւ այն փոխվեց:
Արմեն Երիցյանի օգտին տրված քվեները նրա համար անխախտ ապահովեցին առաջին հորիզոնական: Վերջինս երկրորդ տեղում հայտնված իր գործընկերներից էականորեն առաջ էր անցել, եւ քվեարկության ամբողջ ընթացքում նա շարունակեց գլխավորել ցուցակը:
Լավագույն եռյակից դուրս մղվեց ԿԳ նախարար Արմեն Աշոտյանը, իսկ նրա փոխարեն եռյակում հայտնվեց ՀՀ առողջապահության նախարար Հարություն Քուշկյանը:
Քվեարկության հաջորդ անակնկալն այն էր, որ ՀՀ արդարադատության նախարար Հրայր Թովմասյանը կարողացավ շատ ցածր հորիզոնականներից վերեւ բարձրանալ` արդյունքում նա հայտնվեց առաջին հնգյակում` առաջ անցնելով ԿԳ նախարար Արմեն Աշոտյանից:
Տարին բավականին դժվար էր գյուղնախարար Սերգո Կարապետյանի համար: Մեր քվեարկության արդյունքում նա համալրել է վերջին հորիզոնականները` ստանալով 2 տոկոս ձայն: Ինչպես եւ սպասվում էր` ՀՀ մշակույթի նախարար Հասմիկ Պողոսյանը մեկ տոկոսից ավել ձայն չի ստացել:
Հատկանշական են նաեւ ՀՀ փոխվարչապետ, ՀՀ տարածքային կառավարման նախարար Արմեն Գեւորգյանի եւ ՀՀ Արտաքին գործերի նախարար Էդվարդ Նալբանդյանի ստացած ցածր տոկոսները:
Ինչ վերաբերվում է ՀՀ բնապահպանության նախարար Արամ Հարությունյանի եւ ՀՀ քաղաքաշինության նախարար Վարդան Վարդանյանի արձանագրած բարձր տոկոսներին, ապա ԼՈՒՐԵՐ.com-ը դրա բացատրությունը պարզապես չունի:
Ամփոփելով 2011թ.՝ ՀՀ ո՞ր նախարարի աշխատանքն եք բարձր գնահատում
| Արմեն Երիցյան |
|
34% |
| Հարություն Քուշկյան |
|
15% |
| Սեյրան Օհանյան |
|
10% |
| Հրայր Թովմասյան |
|
8% |
| Վարդան Վարդանյան |
|
6% |
| Արամ Հարությունյան |
|
4% |
| Արմեն Աշոտյան |
|
4% |
| Հրանուշ Հակոբյան |
|
3% |
| Էդվարդ Նալբանդյան |
|
3% |
| Արմեն Գևորգյան |
|
2% |
| Տիգրան Դավթյան |
|
2% |
| Վաչե Գաբրիելյան |
|
2% |
| Արթուր Գրիգորյան |
|
2% |
| Սերգո Կարապետյան |
|
2% |
| Արթուր Պետրոսյան |
|
1% |
| Հասմիկ Պողոսյան |
|
1% |
| Արմեն Մովսիսյան |
|
1% |
| Մանուկ Վարդանյան |
|
1% |
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
