Վրաստանի նախագահը բոյկոտ է հայտարարել Georgian Airways ավիաընկերությանը

Վրաստանի նախագահ Սալոմե Զուրաբիշվիլին հայտարարել է, որ չի օգտվի Georgian Airways-ի ծառայություններից՝ դեպի Ռուսաստան թռիչքների պատճառով։ Այս մասին հայտնում է ՏԱՍՍ-ը։

Նա կոչ է արել բոյկոտել ավիաընկերությանը, որը ձգտում է հարստանալ, ինչպես դա արել է «նախկին իշխանությունների» օրոք։ Զուրաբիշվիլիի խոսքով՝ Georgian Airways-ը ցանկանում է օգտվել նոր իրողությունից, որն անընդունելի է Վրաստանի բնակչության մեծ մասի համար։

Ավելի վաղ Վրաստանի նախագահը անցանկալի էր անվանել վերջին չորս տարվա ընթացքում Մոսկվայից Թբիլիսի առաջին ուղիղ չվերթի ժամանումը։

Մայիսի 20-ին Վրաստանի ոստիկանության աշխատակիցները Կվարելի քաղաքի մերձակայքում գտնվող հյուրանոցի մոտ տեղի ունեցած ցույցի ժամանակ ծեծկռտուքի ժամանակ ձերբակալել էին 16 մարդու։