Լենա Նազարյանի «դուխը» կհերիքի՞ դատի տալ Փաշինյանի ընտանեկան հիմնադրամին

2018 թվականի մարտի 16-ին Երևանի ավագանու «Ելք» դաշինքից ավագանու անդամ  Լենա Նազարյանը դատի էր տվել «Երևան» հիմնադրամին և Պետեկամուտների կոմիտեին: Դատական կարգով  պահանջում էր տրամադրել տվյալներ, թե վերջին երկու տարիների ընթացքում ովքեր են 100 հազար դրամ և ավելի անանուն գումար փոխանցել «Երևան» հիմնադրամին: 

Լենա Նազարյանն այն ժամանակ վստահ էր, որ նվիրատվությունները կոռուպցիոն ռիսկեր են պարունակում: Ճակատագրի հեգնանքով այժմ Լենա Նազարյանը հանդիսանում է «Իմ քայլը» հիմնադրամի հոգաբարձուների խորհրդի անդամ և ոչ միայն չի նկատում այն, ինչ կատարվում է այդ հիմնադրամում և դրա շուրջ, այլ մի բան էլ ակտիվորեն ներգրավված է հիմնադրամի աշխատանքներում և գովազդում է Նիկոլ Փաշինյանի ընտանեկան հիմնադրամը:

Ինչ է ստացվում,  Լենա Նազարյանը կոռուպցիոն ռիսկեր էր տեսնում ընդամենը 100 հազար դրամ փոխանցման մեջ, իսկ հիմա անգամ 300 հազար դոլարի անանուն փոխանցումը չի մտահոգում նրան: Արդյոք սա հենց երկակի ստանդարտների բացահայտ դրսևորում չէ, հարց է առաջանում՝ եթե Լենա Նազարյանը իսկապես այդքան սկզբունքային քաղաքական գործիչ է և նրան իսկապես մտահոգում է կոռուպցիոն ռիսկը, ապա նրա դուխը կհերիքի՞ դատի տալ Նիկոլ Փաշինյանի ընտանեկան հիմնադրամին...