Պետության միջոցների հաշվին միլիոնատեր դարձած պաշտոնյաների 10-յակը

Հեղափոխությունից հետո ՔՊ-ական պատգամավորները հայտարարում էին, որ իրենք որակապես տարբերվելու են նախկիններից, հասարակությունից չեն թաքցնելու իրենց ունեցվածքը, լինելու են թափանցիկ, ավելին՝ մնալու են «քյասիբ հեղափոխական»: Ձեր ուշադրությանն ենք ներկայացնում կարելի է ասել՝ զրոյից միլիոնատեր դարձած պաշտոնյաների տասնյակը:

Արփի Դավոյանը չի հայտարարագրել և ոչ մի տեսակի անշարժ գույք, հարց է առաջանում՝ իսկ որտե՞ղ է բնակվում սույն պատգամավորը: Վերջինիս համար մտահոգությունները մի փոքր փարատվում են միայն հայտարարագրած 10,272,310.00 դրամի եկամուտը տեսնելիս:

ԱԺ «Իմ քայլը» խմբակցության պատգամավոր Անդրանիկ Քոչարյանը հայտարարագրել է 30,000.00 և 11,999.00 ԱՄՆ դոլար, 9,797,090.00 և 2,000,000.00 ՀՀ դրամ: Հետաքրքիր է, թե պատգամավորի համեստ աշխատավարձով ապրող, որևէ բիզնես չունեցող Քոչարյանին որտեղից այս եկամուտները:

Տավուշի մարզպետ Նարեկ Ղուշչյանը պաշտոնը ստանձնելիս հայտարարագրել էր 3,710,093.00 դրամ և մեկ տարի անց նրա եկամուտները կազմել են 9,972,349.00 դրամ:

Արսեն Թորոսյանը պաշտոնը ստանձնելու տարում հայտարարագրել էր 7,418,497.00 դրամի եկամուտ: Արդեն 2021-ին նրա եկամուտները կազմել են 28,419,549.00 դրամ և 20 հազար եվրո:

Արփի Դավոյանը ով 2018-ին պատգամավոր դառնալուց հետո հայտարարագրել էր ընդամենը 570 հազար դրամ ու ոչ մի անշարժ ու շարժական գույք․ չորս տարի անց բավական հաղթահարել է աղքատությունը։ Ըստ կոռուպցիայի կանխարգելման հանձնաժողով տված հայտարարգրի՝ 2018 թվականին 570 հազար դրամ ունեցող Արփի Դավոյանը 2021-ին արդեն կարողացել է 2,5 մլն դրամով գնել 2011 թվականի արտադրության HYUNDAI մակնիշի ավտոմեքենա, նույն տարում պատգամավորը 25 մլն դրամով բնակարան է գնել նորակառույց շենքում։

Արեն Մկրտչյանը 2018-ին բառացիորեն ոչինչ չէր հայտարարագրել: 2021-ին նա հայտարարագրել է 9,428,311.00 դրամի փոխառություն և 17,993,991.00 դրամի եկամուտ:

Ռոմանոս Պետրոսյանը պաշտոնը ստանձնելիս հայտարարագրել է 588,228.00 դրամ, 2021-ին նրա եկամուտները կազմել են 23,954,371.00 դրամ:

Արուսյակ Ջուլհակյանը պաշտոնը ստանձնելու օրվա դրությամբ հայտարարագրել էր 1,500,000.00 դրամի համարժեք եկամուտ: 2021-ին եկամուտը կազմել է 7,838,187.00 դրամ, 14,492,383.00 դրամ և 10,086.34 ԱՄՆ դոլար:

Էմմա Պալյանի եկամուտները պաշտոնը ստանձնելու օրվա դրությամբ կազմել են 2,738,080.00 դրամ, իսկ արդեն 2021-ին 6,132,210.00 դրամ և 190,000.00 ռուսական ռուբլի:

Սյունիքի մարզպետ Ռոբերտ Ղուկասյանը պաշտոնը ստանձնելիս հայտարարագրել էր 800,000.00 դրամ, իսկ արդեն 2021-ին նրա եկամուտները կազմել են 38,533,273.00 դրամ: