Վրաստանն ու Ռուսաստանն աբխազական երկաթուղու վերականգնման և գործարկման շուրջ չեն բանակցում. Ղարիբաշվիլի

Վրաստանն ու Ռուսաստանն աբխազական երկաթուղու վերականգնման և գործարկման շուրջ չեն բանակցում։ Այդ մասին ուրբաթ օրը խորհրդարանում հայտարարել է Վրաստանի վարչապետ Իրակլի Ղարիբաշվիլին։

«Ես պատասխանատվությամբ հայտարարում եմ, որ այս հարցի շուրջ բանակցություններ չկան։ Մենք ոչ մի գաղտնի օրակարգ չունենք: Աբխազական երկաթուղու վերականգնումը հնարավոր է Վրաստանի տարածքային ամբողջականության վերականգնման դեպքում»,- ասել է վարչապետը։