«Վրացական երազանք» կուսակցությունը իմփիչմենթի գործընթաց է սկսել նախագահ Սալոմե Զուրաբիշվիլիի դեմ
Վրաստան
«Վրացական երազանք-Ժողովրդավարական Վրաստան» իշխող կուսակցությունը սկսում է նախագահ Սալոմե Զուրաբիշվիլիի իմփիչմենթի գործընթացը՝ կապված Սահմանադրության կոպիտ խախտման հետ, հայտարարել է կուսակցության ղեկավար Իրակլի Կոբախիձեն, գրում է Sputnik-ը։
Զուրաբիշվիլին օգոստոսի 31-ին մեկնել էր հանդիպումների եվրոպացի առաջնորդների հետ՝ աջակցելու Վրաստանին ԵՄ-ի թեկնածուի կարգավիճակ տրամադրելուն, չնայած կառավարության մերժմանը: Իշխող կուսակցությունն ավելի վաղ հայտարարել էր, որ սա սահմանադրության խախտում է, և սա Վրաստանի նախագահի իմփիչմենթի երկու հիմքերից մեկն է։
«Ինչպես գիտեք, Վրաստանի նախագահ տիկին Սալոմե Զուրաբիշվիլին կոպտորեն խախտել է Վրաստանի Սահմանադրությունը և սկսել է մի շարք այցեր արտասահմանյան երկրներ՝ առանց կառավարության համաձայնության։ Ըստ Վրաստանի Սահմանադրության՝ միայն Վրաստանի կառավարությունն է լիազորված իրականացնել երկրի ինչպես ներքին, այնպես էլ արտաքին քաղաքականությունը»,- ճեպազրույցում ասել է Կոբախիձեն։
Կոբախիձեն հայտարարել է նաև Սահմանադրության խախտումներին արձագանքելու մեխանիզմի մասին։
«Վրաստանի Սահմանադրությունը նախատեսում է դրա խախտմանը արձագանքելու միակ արդյունավետ իրավական մեխանիզմը՝ իմպիչմենտը»,- ասել է Կոբախիձեն։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
