Ղարիբաշվիլին ու Մակրոնը քննարկել են Հարավային Կովկասում անվտանգության հետ կապված հարցեր

Վրաստանի վարչապետ Իրակլի Ղարիբաշվիլին հանդիպել է Ֆրանսիայի նախագահ Էմանուել Մակրոնի հետ։

Նիստում քննարկվել է Եվրահանձնաժողովի կողմից ընդունված որոշումը՝ Եվրոպական խորհրդի կողմից Վրաստանին ԵՄ թեկնածու երկրի կարգավիճակ շնորհելու վերաբերյալ, հայտնում է վրացական «Commersant» պորտալը։

Վրաստանի վարչապետը նշել է, որ սա պատմական որոշում է, և Վրաստանն ակնկալում է, որ 2023 թվականի դեկտեմբերին Եվրոպական խորհրդի կողմից կարգավիճակ կստանա, որը կորոշի Վրաստանի եվրոպական ապագան։

Կողմերը քննարկել են երկու երկրների միջև համագործակցությունը և քննարկել տարբեր ոլորտներում դրա խորացման հեռանկարները։

Հանդիպմանն անդրադարձ է եղել նաև տարածաշրջանում և ամբողջ աշխարհում անվտանգության խնդիրներին։

Երկու երկրների ղեկավարները նշել են այն դրական դերը, որը Վրաստանը կարող է ունենալ Հարավային Կովկասում անվտանգության և կայունության ապահովման գործում։

Ղարիբաշվիլին երախտագիտություն է հայտնել Մակրոնին՝ Վրաստանի ինքնիշխանության, տարածքային ամբողջականության և եվրոպական ապագայի նկատմամբ ցուցաբերած ամուր աջակցության համար՝ նրան հրավիրելով Վրաստան։