Հույս ունենք` Երևանը և Բաքուն շուտով կստորագրեն խաղաղության պայմանագիրը. Ղարիբաշվիլի
Վրաստան
Վրաստանը միշտ եղել է կողմնակից, որ տարածաշրջանում հաստատվի երկարաժամկետ խաղաղություն եւ կայունություն: Այդ մասին այսօր՝ հունվարի 26-ին, Վրաստանում տեղի ունեցած տնտեսական համագործակցության միջկառավարական հանձնաժողովի 13-րդ նիստից հետո՝ ՀՀ վարչապետ Նիկոլ Փաշինյանի հետ համատեղ ասուլիսի ժամանակ, հայտարարեց Վրաստանի Իրակլի Ղարիբաշվիլին:
«Մենք միշտ պատրաստ էինք եւ պատրաստ ենք մեր ներդրումը, մեր կոնտրիբուցիան անել այս երկարաժամկետ խաղաղության հաստատման գործում, որը մեր ողջ տարածաշրջանի երկրներին եւ ժողովուրդներին օգուտ կբերի:
Մենք մեծ լավատեսությամբ եւ հույսի աչքով ենք նայում Հայաստանի եւ Ադրբեջանի միջեւ ընթացող երկխոսությանը»,-ասաց նա:
Վրաստանի վարչապետը հույս է հայտնել, որ Հայաստանն ու Ադրբեջանը շուտով կձեւակերպեն ու կստորագրեն խաղաղության պայմանագիրը, ինչն անխոս կնպաստի խաղաղության հաստատմանը. «Դա շատ կարեւոր է մեր երկրների ու ազգերի համար»,- ընդգծեց Ղարիբաշվիլին:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
