Վրաստանի նախագահը հայտնել է, որ իրեն թույլ չեն տվել հանդիպել Նիկոլ Փաշինյանի հետ

Վրաստանի նախագահ Սալոմե Զուրաբիշվիլին հայտարարել է, որ իրեն թույլ չեն տվել հանդիպել ՀՀ վարչապետ Նիկոլ Փաշինյանի հետ, հաղորդում է «Սպուտնիկ Վրաստանը»։

«Վրաստանի նախագահը ողջունում է Հայաստանի վարչապետի այցը երկիր, սակայն ցավում է, որ նախագահին հնարավորություն չի տրվում հանդիպել և պատշաճ կերպով ընդունել բարեկամ երկրների ղեկավարներին։ Ցավալի է նաև, որ համապատասխան գերատեսչությունները նախագահին չեն տեղեկացնում երկրում նախատեսված բարձր մակարդակի այցերի, հանդիպումների կամ միջոցառումների մասին»,- ասվում է նրա հայտարարության մեջ։

Զուրաբիշվիլին ավելի վաղ դժգոհել էր, որ իրեն թույլ չեն տվել հանդիպել Ադրբեջանի նախագահի հետ։