Վրաստանի Ռուսթավի քաղաքում հրաձգության հետևանքով` չորս մարդ է զոհվել

Վրաստանի Ռուսթավի քաղաքում ուրբաթ օրը տղամարդը կրակ է բացել տեղի շուկաներից մեկում, ինչի հետևանքով` չորս մարդ զոհվել է, ևս մեկը վիրավորվել է, հայտնում է Վրաստանի ՆԳՆ-ն, գրում է Interfax-ը։

Վրացական լրատվամիջոցները, վկայակոչելով ականատեսներին, նշում են, որ մի տղամարդ ներխուժել է շուկայի մսի բաժին և սկսել հրազենից կրակել վաճառողների ուղղությամբ։

Տեղի ունեցածի պատճառները դեռևս անհայտ են։

Վրաստանի ՆԳՆ-ն հայտնում է, որ հարձակվողն արդեն կալանավորվել է։

Ներքին գործերի նախարարության տարածած հաղորդագրության մեջ ասվում է, որ սպանվածների թվում է ձերբակալվածի ազգականը։