Վրաստանը զբոսաշրջությունից ռեկորդային 4,1 մլրդ դոլար եկամուտ է ստացել

2023 թվականին Վրաստանը ռեկորդային եկամուտներ է ստացել զբոսաշրջությունից։ Այս մասին հայտնում է ՏԱՍՍ-ը՝ Վրաստանի զբոսաշրջության ազգային վարչությանը հղումով։

Գերատեսչության տվյալներով՝ 2023 թվականին երկրի եկամուտը զբոսաշրջությունից կազմել է 4,1 միլիարդ դոլար, ինչը 26,2 տոկոսով գերազանցում է 2019 թվականի նախահամաճարակային մակարդակը, իսկ նախորդ 2022 թվականի համեմատ՝ երկրի զբոսաշրջության ոլորտի եկամուտն աճել է 17,3 տոկոսով։

Դեպի երկիր այցելությունների առաջատարներն են Ռուսաստանի (1,4 միլիոն), Թուրքիայի (1,3 միլիոն), Հայաստանի (962 հազար) և Իսրայելի (217 հազար) քաղաքացիները։